4-ҹү дәфә депутат сечиләнләр . Мараглыдыр Лүтфән охујун

Әһли Бејт -АБНА- хәбәр аҝентлијинин вердији хәбәрә әсасән: Артыг 4-ҹи дәфә депутат ола бимиш шәхсләрин сијаһысы ајдынлашдырылыб. Беләликлә...

1995-ҹи илин сојуг нојабрында Милли Мәҹлисә кечирилән сечкиләрдә 1 сајлы Шәрур-Сәдәрәк даирәсиндән депутат сечилән Нахшыван Мухтар Республикасы Али Мәҹлисинин сәдри Васиф Талыбов о вахтдан индијәдәк - артыг 15 илдир- Азәрбајҹан парламентинин үзвүдүр. Бу илләр әрзиндә о, хүсуси һалларда парламентин ишиндә гатылыб. Дүнән о јенә сечилди...(Мән садиглијими ҝөстәрмәкдән өтрү әввәлкиндән дә артыг хаига зүлм етмәкә һазырам!)

Парламентин нүфузлу депутатларындан сајылан Елдар Ибраһимовун депуататлыг стажы 95-ҹи илдән дә о јана ҝедир. Бу илләр әрзиндә Елдар мүәллим мәшғул олдуғу саһәни дәјишмәјиб. Милләт вәкили узун илләрдир парламентин аграр мәсәләләр үзрә гурумуна рәһбәрлик едиб. О гаршыдакы 5 или дә парламентдә ишләјәҹәк... (Ахы јалтағлыг мәним пешәмдир)        

Сијаһыда Мадәр Мусајев дә вар.  О һәлә узаг 1990-ҹу илдә мағаза мүдири оларкән Али Советин депутат креслосунда отурмаға имкан тапыб. Вә о вахтдан индијә гәдәр отурдуғу јерә садигдир. Һаҹы Мадәр дә Милли Мәҹлиси креслодан сәссиз сејр етмәји  хошлајан депутат олуб. О, јенә дә Бинәгәдини парламентдә тәмсил едәҹәк... (Түлкү һәҹҹә ҝедир!) 

Ҝәнҹәдән депутат олан Асәф Һаҹыјев дә 3 дәфә депутат сечилиб. Асәф мүәллим  јенә депутат олду вә гаршыдакы 5 или дә ҝәнҹәлиләри парламентдә тәмсил едәҹәк. (Ким јатыб ким ојағ? Һамы јатыб ҹыртан ојағ)

Ләнкәранлы сеҹиҹиләри тәмсил едән Һади Рәҹәбли даирәсини дәјишмәјиб.  Илк дәфә сеҹкиләрә битәрәф кими гатылан Һади мүәллим сонракы сечкиләрдә Јени Азәрбајҹан Партијасыны тәмсил едиб. О да 4-ҹү дәфә мандате газананлар сырасында јер алыр…(Әдә нејнијиме?! Һарда аш ордада баш)   

“Шаһ Аббасы тахда ҝөрән” депутатлардан бири дә Фәзаил Ағамалыдыр. “Ағамалыјев” сојады илә 1996-ҹы илдә Ана Вәтән Партијасындан тәкрар сечки кампанијасына гатылан Фәзаил бәј намизәдлијини 39 сајлы Сумгајыт сечки даирәсиндән ирәли сүрүб. Сонралар, 2000 вә 2005-ҹи илләрдә Ф.Ағамалы Јевлах, Салјан сечиҹиләрини дә парламентдә тәмсил едиб. 4-ҹү дәфә парламентә дүшә билән ҹәнаб Ағамалы салјанлылары вә нефтчалалылары тәмсил едәҹәк..(Нөкәрчилик фәхримизди, чөрәјимизди,  ешгимизди.)

Даһа бир гоҹаман милләт вәкили Фәттаһ Һејдәровдур. О, һәр үч чағырышда 61 сајлы Гәбәлә даирәсини тәмсил едиб. Бу дәфә 4-ҹүдүр. Һәлә 2015-ҹи иләдәк Фәттаһ мүәллим гәбәләлиләрин депутаты олаҹаг.(личчимерлик тәҹрүбәсин өјрәнмәк истәјәнләр мәнә мүраҹиәт едә биләрләр) 

Шаир вә публисист Сабир Рүстәмханлы 15 илдир Вәтәндаш Һәмрәјлији Партијасыны вә Јардымлы-Масаллы даирәсини тәмсил едирди. Ҹәнаб Рүстәмханлы 90-ҹы илләрин бүтүн гызғын сијаси просесләриндә үздә олан сијасәтчи олуб. Мүстәгиллик Актына сәс верәнләрдән бири олан ВҺП сәдри бу илләр әрзиндә креслосуну горујуб сахлаја билиб. Сабир бәј бу дәфә дә әнәнәсини горуја билди. (Сән өләсән бахтым ҝәтириб ки, сарај шаири олмушам)

Өлкәдә гијмәтләндирмә үзрә пешәкар мүтәхәссис олан Ханһүсејн Казымлы да парламентин стажлы милләт вәкилләриндәндир. Дүздү, о, Милли Мәҹлисә бир гәдәр ҝеҹ- 1999-ҹу илдә ҝәлиб. Һәмин илин мај ајында јени сечки кечирилиб вә ҹәнаб Казымлы депутат мандаты газаныб. Елә дүнәнки сечкидән сонар да онун адыны галибләр сырасына јаздылар, 4-ҹү дәфә...(Тәмиз оғланды ҝүндә һамамда чимир)

Милли Мәҹлисин “илк пионерләриндән” олан Ариф Рәһимзадә исә елә илк сеҹкидәҹә Милли Мәҹлисин сәдринин мүавини постуна ҝәтирилиб. Ики чағырышда бу посту тутан ҹәнаб Рәһимзадә инди ММ-ин Реҝиноал мәсәләләр комитәнин сәдридир. А.Рәһимзадә 4-ҹү дәфә дә сечилди. О, билдириб ки, јени парламентдә дә комитә сәдри олмаға чалышаҹаг.  (Гардаш нејниме? Чөрәјим бундан чыхырда...)

Милли Мәҹлисин ән јашлы депутаты олан Ҹәлал Әлијев артыг парламентин “фәхри күрсүсүндә” отурур. Ҹәлал мүәллим 4-ҹү дәфә мандат газаныб вә 2015-ҹи иләдәк Милли Мәҹлисдә олаҹаг...(Һеч әмијә јахшы бахмырлар!)

ССРИ халг артисти Зејнәб Ханларова 1995-ҹи илдән бу јана парламентин үзвүдүр. Зејнәб ханымын нөвбәти сечкиләрдә дә галиб ҝәлиб вә 4-ҹү бешилликдәд мандат саһиби олаҹаг. (Ај ҹамаат булар үчүн бир консерт верән лазымдыр ја јох?)

Парламентин диҝәр стажлы депутаты Зәнҝиландан олан милләт вәкили Имамверди Исмајыловдур. Иҹласларда чох надир һалларда данышан И.Исмајылов да гаршыдакы 5 или парламентдә кечирәҹәк.(Әә нејниме ?! Вәзифәми јеринә јетирирәмдә...)            

Даһа бир депутат Михаил Забелин л5 илдир ки, рус иҹмасыны парламентимиздә динмәз-сөјләмәз тәмсил едир. Даһа 5 ил тәмсил едәҹәк вә онун да депутатлыг мүддәти 2015-ҹи иләдәк сүрәҹәк...(Так и нада!)  

1995-ҹи илдән бәри сијаси карјерасыны инкишаф етдирмәји баҹаран милләт вәкилләриндән бири дә Зијафәт Әсҝәров олуб. 1997-ҹи илдә депутат Фуад Гулијев баш назир  тәјин едилдикдән сонра 34 јашлы Зијафәт Әсҝәров онун депутат јерини тутуб. Даһа сонра ҹәнаб Әсҝәров Милли Мәҹлисин биринҹи витсе-спикери постуна гәдәр ҝәлиб. Инди јенә сечилиб. 4-ҹү дәфә…(Азәрбајҹанда Гоҹаман нәслин јалтг синифи гуртармаг үзрә олдуғу үчүн биз ҝәнҹләрә еһтијаҹ олдугҹа чохдур)

1995-ҹи илдә Азәрбајҹан Демократик Истиглал Партијасынын үзвү кими депутат сечилән, сонралар Јени Азәрбајҹан Партијасынын сыраларына кечән Мүбариз Гурбанлы да 15 илдир парламент креслосунда әјләшир. Амма даһа 5 ил орда әјләшмклә рекордуну 20 илә чатдыраҹаг...(Јапон бајрағы!)

Беләликлә онлар 15 ил иди депутат мандаты ҝәздирирләр, даһа 5 ил дә ҝәздирәҹәкләр. Бу илләр әрзиндә бүтүн сијаси фыртыналардан кечән бу шәхсләр 4-ҹү чағырыш сечкиләриндә өз јерләрини горумағы баҹардылар.

Сизә 1995-ҹи илдә мүстәгил Азәрбајҹанда кечирилмиш илк парламент сечкиләриндә депутат мандаты газанмыш вә индијәдәк парламент креслосунда отуран депутатларын сијаһысыны тәгдим едирик. Онлар 4 дәфә -1995-2000-2005-2010-ҹу илләрдә Милли Мәҹлисә мандат газана билибләр.

Диггәт: Хәбәрдән истифадә етдикдә мәнбәјә истинад лазымдыр