Әһли Бејт -АБНА- хәбәр аҝентлијинин вердији хәбәрә әсасән: БМТ-нин мәтбуат хидмәтиндән јајымланан мәлумата ҝөстәрилир: “Бу гејдләр Ермәнистанын иргчи идеолоҝијасыны вә дини хурафатыны ачыг әкс етдирир. Ермәнистан президенти һансыса “ҝенетик тәдгигатларын” нәтиҹәсинә әсасланараг, белә бәјанат вериб ки, Ермәнистан тәхминән сон 8000 илдә дөвләт кими мөвҹуд олуб. Өлкәсинин гарышыг тарихи бир тәрәфә галсын, Ермәнистан президенти бу сөзләрлә ермәниләрин диҝәр милләтләрдән, о ҹүмләдән азәрбајҹанлылардан үстүн олдуғуну иддиа едир вә азәрбајҹанлылары “мүсәлман-түрк көчәри тајфасы” адландырыр. Ҝөрүнүр, Ермәнистан президенти унудуб ки, дүнја кечмишдә бу ҹүр “ҝенетик тәдгигатларын” дәһшәтли нәтиҹәләриндән неҹә әзијјәт чәкиб”, - дејә А. Меһдијев мәктубунда гејд едиб.
Сәфир даһа сонра мүраҹиәтиндә билдириб ки, Ермәнистанын јүксәк рүтбәли рәсмиләринин амансыз етник ајры-сечкилик идејалары тәблиғ едән вә бејнәлхалг һүгугун фундаментал принсипләринә, һәмчинин инсанлығын мәнәви вә етик принсипләринә зидд олан бәјанатлар вермәси биринҹи дәфә дејил: “Ермәнистанын кечмиш президенти Роберт Кочәрјанын “Ермәниләр вә азәрбајҹанлылар арасында етник ујғунсузлуг” барәдә шәрһләри бејнәлхалг бирлијин һаглы наразылығына сәбәб олмушду. Авропа Шурасынын о вахткы баш катиби Валтер Швиммер билдирмишди ки, “Кочәрјанын шәрһләри мүһарибә гызышдыран, агрессив вә нифрәт долу бәјанатдан башга бир шеј дејил”. Авропа Шурасы Парламент Ассамблејасынын о вахткы сәдри Питер Шидер исә билдирмишди ки, Авропа Шурасы јарадылдығындан бәри “етник ујғунсузлуг” ифадәсини ешитмәјиб. Серж Саркисјанын гејдләри бир даһа сүбут едир ки, рәсми Јереван Ермәнистанын дөвләт сијасәтини формалашдыран ирги үстүнлүк вә нифрәт идејаларынын дашыјыҹысы кими һәрәкәт едир”.
А. Меһдијев даһа сонра мүраҹиәтиндә бунлары вурғулајыб: “Азәрбајҹан Республикасы әминдир ки, Ҹәнуби Гафгазда давамлы сүлһ, тәһлүкәсизлик вә сабитлик јаратмаг үчүн бејнәлхалг бирлик бирҝә сәјләрлә Ермәнистан Республикасыны ирги вә дини мотивләрдән чыхыш едән сијасәт вә тәҹрүбәдән әл чәкмәјә, Азәрбајҹан Республикасынын әразиләриндә ганунсуз ишғала сон гојмаға, гоншу дөвләтләрә гаршы әрази иддиаларындан әл чәкмәјә вә бүтүн реҝионал дөвләтләрлә сивил әлагәләр гурмаға инандырмалыдыр. Бунун алтернативи јохдур”.
Диггәт: Хәбәрдән истифадә етдикдә мәнбәјә истинад лазымдыр
