Әһл Бејт-АБНА-хәбәр аҝентлијинә верилән хәбәрә әсасән Азәрбајҹан дөвләт башчысы чыхышында дејиб: “Иҹманын өз фәалијјәтини бу бинада һәјата кечирмәси мүвәггәти характер дашыјыр. Дағлыг Гарабағ ишғалдан азад олунандан сонра бу бөлҝәмиздә гуруҹулуг ишләри һәјата кечириләҹәк вә иҹма да өз фәалијјәтини орада давам етдирәҹәк. Дағлыг Гарабағ әзәли Азәрбајҹан торпағыдыр вә буну Дағлыг Гарабағын тарихи вә топонимләри, мәдәнијјәти, ХХ әсрин әввәлинә аид хәритәләр дә тәсдиг едир. Һәмин хәритәләрдә Степанакерт адында әрази ваһиди јохдур”.
Дағлыг Гарабағ данышыгларына тохунан президент Азәрбајҹанын јениләнмиш Мадрид принсипләрини мүәјјән истисналар олмагла гәбул етдијини дејиб: “Бу јахынларда 3 һәмсәдр өлкәнин вердији бәјанат да Азәрбајҹанын мөвгејини әкс етдирир. Әҝәр мүнагишә бу принсипләр әсасында һәлл олунмазса, Азәрбајҹанын мараглары там тәмин олунаҹаг. Азәрбајҹан вәтәндашлары Дағлыг Гарабағ вә әтраф әразиләрә гајыдаҹаглар. Азәрбајҹан әһалисинин сајы артмагдадыр. Бөлҝәдәки демографик вәзијјәт гыса мүддәтдә бизим марагларымызы тәмин едәҹәк. Мән әминәм ки, Азәрбајҹан әрази бүтөвлүјүнү тәмин едәҹәк. Азәрбајҹанын вә Ермәнистанын инкишафы арасындакы фәрг вә халгымызын ирадәси бизим мөвгејимизи әкс етдирир.
Ермәнистан рәһбәр даирәләриндә белә бир фикир формалашыб ки, данышыглар 20 илдир давам едир, даһа 10 ил дә давам етсин вә ермәниләр бурда имитасија илә мәшғул олсун. Онлар үмид едирләр ки, вахт кечдикҹә азәрбајҹанлылар бу торпаглары унудаҹаг, бу бөлҝә илә һеч бир бағлығы олмајан јени нәсил дүнјаја ҝәләҹәк. Ермәниләрин ағлы өзүнә ҝетмәсин, онлар өз вәтәнини унуда биләрләр, азәрбајҹанлылар, Азәрбајҹан халгы вә рәһбәрлик үчүн Дағлыг Гарабағ вә әтраф әразиләрин ишғалы гәбуледилмәздир вә бу вәзијјәтлә барышмајаҹағыг".
