Әһл Бејт-АБНА-хәбәр аҝентлијинин хәбәринә әсасән“Иранын ортаја гојаҹағы шәртләр санксијалары тәтбиг едән вә дәстәкләјәнләри пешман едәҹәк.Бу сөзләри Иран президенти Маһмуд Әһмәдинежад дејиб.
О билдириб ки, Гәрбин әлиндән санксијадан вә иттиһам етмәкдән башга бир иш ҝәлмир: “Һәмин санксијалар һүҹум типли дејил, бәлкә дә онларын өзү үчүн мүдафиә характери дашыјыр. АБШ бу санксијаларын тәтбигинә наил олмагдан өтрү өзүнә диләнчилик вә јалварышла бир нечә тәрәфдаш јығдығындан һеч бир тәсири олмајаҹаг. Онлар бу санксијаларла Иранын сүлһ данышыгларына, еләҹә дә сүлһ мәгсәдли нүвә програмына бејнәлхалг аләмдә мане олмаг истәјирләр. Тарих боју иранлылар дүнјанын истәнилән супер ҝүҹләринә гаршы галибијјәт әлдә едәрәк јүксәк сәвијјәдә әлагәләр гурублар. АБШ президенти бөјүк сәһвә јол вериб. Иран халгы илә әлагәләрин јолу јалныз достлугдур”.
Иран президенти АБШ-ын бу ҝүн Әфганыстан вә Ирагда дүшдүјү батаглыгдан чыхмаг игтидарында олмадығыны вурғулајыб: “Обама Иран әлејһинә санксијаларла сијаси гүдрәтинин сарсылдығыны сүбут етди. Мән америкалылара вә гәрблиләрә дәфәләрлә демишәм. Сиз Иран халгыны вә реҝион халгларыны јахшы танымырсыныз, онларын бири-бири илә рәгабәт апармаларына бахмајын, дар ајагда бирләшәрәк сизә ән ағыр зәрбә вурмаға гадирдирләр”.
