Әһл Бејт-АБНА-хәбәр аҝентлијинин хәбәринә әсасән Јевлах Рајон Мәһкәмәси Јевлах “Ҹүмә Мәсҹиди” дини иҹмасынын 3 үзвүнү Иинзибати гајдада һәбсә мәһкум едиб. Иҹтимаи гајданы позмагда ҝүнаһландрылан иҹма үзвләри, - Анар Микајылов, Тале Һәсәнов, Мирхалиг Исмајылзадә 3 сутка, Рамин Һүсејнов исә 5 сутка азадлыгдан мәһрум едилиб. Бу барәдә “Туран”а дини иҹманын рәһбәри Рамин Гулијев билдириб.
Онун сөзләринә ҝөрә, дини иҹманын үзвләри ијунун 3-дә Мәһәммәд Пејғәмбәрин гызы Фатимеји Зәһранын мөвлуд ҝүнү ҝүл пајлама кампанијасы кечириб. Бу заман онларын гајданы поздуғу иддиа едилир. “Дини иҹмамыз артыг 6 илдир ки, һәмин ҝүн ҝүл пајлама кампанијасы кечирир. Амма индијәдәк һәр һансы рәсми орган ҝүл пајламағын гадаған едилмәси барәдә бизи хәбәрдар етмәмишди”, - Р.Гулијев билдириб.
Хатырладаг ки, дини иҹманын бир груп үзвү бир нечә ҝүн өнҹә Бакыда мәтбуат конфрансы кечириб вә јерли һакимијјәт органларыны, иҹра башчысы Елмар Вәлијеви тәнгид етмишди.
