ИТВ- БМТ-нин Инсан Һүгуглары Шурасы Гәззаја јардым дашыјан ҝәмиләрә һүҹум мәсәләнин арашдырылмасы үчүн реҝиона һејәт ҝөндәрилмәсинә гәрар вериб. БМТ-нин Инсан Һүгуглары Шурасы јардым ҝәмисинә Исраилин һүҹумуну писләјән мәсәләнин арашдырылмасы үчүн реҝиона мүстәгил, бејнәлхалг гурумларын әмәкдашларынын тәркибиндә олдуғу бир һејәт ҝөндәрилмәсинә гәрар вериб. Сәсвермәдә иштирак едән 32 өлкәдән 9-у Авропа Иттифагына дахил олан 8 өлкә вә Јапонија битәрәфлик нүмајиш етдириб, АБШ, Италија вә Норвеч нүмајәндәләри әлејһинә олуб. Шура бејнәлхалг гырмызы Хач Комитәси вә Гызыл Ајпара ҹәмијјәти илә әмәкдашлыг едәрәк, Гәззанын мүһасирәдән чыхарылмасына чалышмаға да гәрар вериб.
Јахын Шәрг Дөрдлүјүнүн хүсуси сәфири Тони Блејер Гәзза сакинләринә јардым үчүн хүсуси сијасәтә еһтијаҹ олдуғуну да вурғулајыб.
Тони Блејерин фикринҹә “Гәззаја тәтбиг едилән блокада јумшалдылмалыдыр. Радикаллығын арадан галдырылмасы вә гәзза халгына јардым үчүн хүсуси сијаси стратеҝија ишләнмәлидир. Исраил Гәззаја јардым ҝөндәрилмәсинә имкан вермир. Бу вәзијјәт дәјишмәлидир”.
АБШ-ын витсе-президенти Жозеф Бајден исә дүнјаны һејрәтләндирән ачыглама вериб. Витсе президент Исраилин өзүнүмүдафиә һүгугу олдуғуну билдириб… Һәр шеј ҝөз габағында!
