Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Азәрбајҹан Республикасынын Президенти Теһран вә Бакы арасында гардашлыг мүнасибәтләрини вурғулајараг билдириб: Ики өлкә әввәл олдуғу кими һәм чәтин, һәм дә хош ҝүнләрдә бир-биринин јанында олаҹаг.
Илһам Әлијев бу ҝүн (шәнбә) “Х” сосиал шәбәкәсиндә Иран Ислам Республикасынын Президенти Мәсуд Пезешкианын тәшәккүр месажына ҹаваб олараг јазыб: “Иран Ислам Республикасынын һөрмәтли Президенти, гардашым ҹәнаб Мәсуд Пезешкианын Азәрбајҹан халгынын вә дөвләтинин ҝөстәрдији дәстәјә ҝөрә тәшәккүрү халгымыз тәрәфиндән јүксәк гијмәтләндирилир.”
О әлавә едиб: Дост вә гардаш халгларымыз әсрләр боју бир-бирини дәстәкләјибләр вә бундан сонра да һәм хош, һәм дә чәтин ҝүнләрдә даим бир јердә олаҹаглар.
Пезешкиан исә дүнән “Х” сосиал шәбәкәсиндәки һесабында јазыб: Гардашым Илһам Әлијевлә сөһбәтимдә Азәрбајҹан дөвләтинин вә халгынын ҝөстәрдији һәмрәјлик вә дәстәјә ҝөрә тәшәккүрүмү билдирдим.
О гејд едиб: Дост вә гардаш халглар чәтинлик вә сыхынты анларында бир-бирини даһа јахшы анлајыр вә бу мүнасибәтләрин сивилизасија көкләри нә гәдәр дәрин оларса, һәмин бағлар бир о гәдәр мөһкәм олур.
Sizin rəyiniz