Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Әрәб Лигасынын Баш катиби Әһмәд Әбул Гејт АБШ-ын Исраилдәки сәфири Мајк Һакабинин Исраилин Нил-Фәрат Лајиһәсинә әсасланараг Гәрби Асијаја нәзарәт етмәк һүгугу илә бағлы ҹәфәнҝијјатына ҹаваб верди.
Әбул Ғејт ачыгламада Һакабинин Әһди-Әтигдән дини мәтнләрә истинад едән сөзләрини "чох радикал" адландырды.
Баш катиб Әбул Ғејтин сөзчүсү Ҹамал Рүшди дә АБШ сәфиринин сөзләрини "дипломатијанын бүтүн мүәјјән едилмиш принсипләринә вә нормаларына зидд, еләҹә дә мәнтигсиз вә иррасионал" адландырды.
Сөзчү әлавә етди: "Тамамилә әсассыз олан бу ҹүр ифрат ифадәләр, өлкәләрин Гәзза сүлһ мүгавиләсинин һәјата кечирилмәси јолларыны мүзакирә етмәк вә бу фүрсәтдән истифадә едәрәк ҹидди сүлһ просесинә башламаг үчүн Сүлһ Шурасынын һимајәси алтында ҝөрүшдүјү бир вахтда дини вә милләтчи һиссләри аловландырмаға хидмәт едир."
Гејд едәк ки, АБШ-ын Тәл-Әвивдәки сәфири Мајк Һакаби билдириб ки, Исраилин "Јахын Шәргин даһа чох һиссәсинә нәзарәт етмәк үчүн дини һүгугу" вар.
Тәл-Әвивдә вердији мүсаһибә заманы америкалы журналист Такер Карлсон сәфирдән Јарадылыш 15-ҹи фәслинә истинад едәрәк "Бөјүк Исраил" анлајышы барәдә сорушду. Бу фәсилдә Аллаһын Ибраһимлә "Нилдән Фәрат чајына гәдәр" торпаг һәдијјәси барәдә сөһбәти тәсвир олунур.
Журналист Һакабидән Исраилин индики Иорданија, Сурија вә Ливаны, еләҹә дә Сәудијјә Әрәбистаны вә Ирагын бир һиссәсини әһатә едән торпаглара һаггы олдуғу фикри илә разы олуб-олмадығыны сорушду. Сәфир мүсаһибәсиндә бүтүн Гәрби Асијаја тохунараг әлавә едиб ки, "Исраил һәр шеји әлә кечирсәјди, јахшы оларды".
Sizin rəyiniz