Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: АБШ президенти Доналд Трампын Исраил президенти Исаак Һерзога гаршы сәрт ачыгламаларындан сонра онунла Исраилин баш назири Бенјамин Нетанјаһу арасында ҝөрүнмәмиш ҝәрҝинлик јараныб.
Сионист режимдә чап олунан Једиотһ Аһронотһ гәзети бу мөвзуда Һерзогун Нетанјаһунун изаһатларыны ҝөзләдијини билдириб. О, Исраилин суверен мөвгејинә ағыр зәрбә вуран бу "тәкәббүрлү ачыгламаларын" сәбәбинин Нетанјаһунун тәхрибатлары олуб-олмадығыны анламаг истәјир?
Гәзет Һерзогла јахын мәнбәләрә истинадән јазыб ки, әҝәр бу ачыгламаларын архасында Нетанјаһунун дајандығы вә Трампы тәһрик етдији мүәјјән едиләрсә, бу, онун гырмызы хәтти кечдијини сүбут едәҹәк.
Гәзет әлавә едиб: "Тәнгидлә тәһгир арасында фәрг вар вә Трампын ачыгламалары тәһгир иди."
Президентин јахын көмәкчиләри дә билдирибләр: "Биз Нетанјаһунун бу ишдә иштирак едиб-етмәдијини вә Трампдан Һерсог әлејһинә бу ҹүр сәрт ифадәләр ишләтмәсини истәјиб-истәмәдијини билмәк истәјирик."
Вашингтонда Нетанјаһу илә ҝөрүшдүкдән ҹәми бир ҝүн сонра Трамп, Һерсога ҝөрүнмәмиш бир һүҹум едәрәк деди ки, Һерсог Нетанјаһуну әфв етмәдијинә ҝөрә өзүндән утанмалыдыр.
Трамп даһа да әлавә едәрәк деди: "Нетанјаһу мүһарибә заманы јахшы баш назир иди. О, чох ҝүҹлү иди вә биз онунла әла ишләдик."
Даһа сонра о әлавә етди: "Билдијиниз кими, Исраилдә бу мәһкәмәдә ону әфв етмәкдән имтина едән бир президент вар. Мәнҹә, бу, утанҹвериҹидир."
Sizin rəyiniz