Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Бирләшмиш Милләтләр Тәшкилатынын Наркотикләр вә Ҹинајәткарлыг үзрә Идарәси Әфганыстанда хашхаш беҹәрилмәсинин ҝениш шәкилдә бәрпасынын гаршысыны алмаг үчүн хариҹи јардымдан әлавә алтернатив ҝәлир мәнбәләринә дә еһтијаҹ олдуғуну ачыглајыб.
Тәшкилат, 15 феврал базар ҝүнү дәрҹ етдији һесабатда, давамлы вә алтернатив ҝәлир мәнбәләринин олмамасы һалда фермерләрин, кәнд ев тәсәррүфатларынын хашхаш беҹәрмәсинә гајыда биләҹәјини вурғулајыб.
Тәшкилатын мәлуматына ҝөрә, гануни биткиләрдән әлдә едилән ҝәлир хашхашла мүгајисәдә әһәмијјәтсиз олдуғу үчүн, һәмчинин гураглыг, кәнд тәсәррүфаты торпагларынын чатышмазлығы вә гоншу өлкәләрдән милјонларла Әфганыстан вәтәндашынын ҝери гајытмасы кими игтисади вә еколожи амилләр әмәк базарына вә доланышыг васитәләринә тәзјиги артырдығына ҝөрә, ашағы ҝәлирли аиләләр јенидән тирјәк беҹәрмәји дүшүнәҹәкләр.
Тәшкилат гејд едиб ки, хашхашын гијмәти вә ҝәлирлилији јүксәк олараг галыр, ҝәлирләр буғда вә ја памбыг кими фермерләр үчүн даһа аз ҝәлирли олан биткиләрдән даһа јүксәкдир.
Sizin rəyiniz