Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ислам Ингилабынын Али Рәһбәринин Али Мүдафиә Шурасындакы нүмајәндәси бир даһа вурғулајыб ки, Иран Ислам Республикасынын ракет ҝүҹү гырмызы хәтдир вә мүзакирә предмети ола билмәз. Теһран өзүнә гаршы һәр һансы мүмкүн авантүраја ҝүҹлү, гәти вә адекват ҹаваб верәҹәк.
Шәмхани “Әл-Ҹәзирә” телеканалына мүсаһибәсиндә билдириб ки, сионист режим Вашингтонун бирбаша дәстәји олмадан һәр һансы һәрәкәтә әл ата билмәз.
О гејд едиб: Һәрби һазырлыг сәвијјәси јүксәкдир вә истәнилән тәрәфин јол верәҹәји сәһв һесабламаларынын нәтиҹәләри ағыр олаҹаг.
Шәмхани вурғулајыб: Реҝионун сабитлији вә тәһлүкәсизлијинә мәнфи тәсир ҝөстәрән аддымлардан чәкинмәк бүтүн тәрәфләр үчүн мәнтиги вә расионал јолдур.
О әлавә едиб: Данышыглар реал јанашма вә һәддиндән артыг тәләбләрсиз апарыларса, мүсбәт истигамәтдә ирәлиләјә вә бүтүн тәрәфләрин марагларыны тәмин едә биләр.
Sizin rəyiniz