Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Азәрбајҹан Республикасынын Президенти Иран Ислам Республикасынын Мүдафиә Назири башда олмагла јүксәк сәвијјәли Иран Нүмајәндә Һејәти илә кечиртдији ҝөрүшдә Бакынын Теһранла Вашингтон арасында ҝәрҝинлијин азалдылмасына јөнәлмиш тәшәббүсләрә дәстәк вермәјә һазыр олдуғуну бәјан едиб.
Реҝионал КИВ-ләрин мәлуматына ҝөрә, Әлијев јанварын 21-дә Иран Президенти Мәсуд Пезешкиан илә телефон данышығыны хатырладараг билдириб ки, Теһран вә Бакы арасында мүхтәлиф форматларда һәјата кечирилән јүксәк сәвијјәли тәмаслар вә ҝөрүшләр икитәрәфли ҝүндәмдә олан мәсәләләрин мүзакирәси үчүн мүһүм имканлар јарадыр. О, Пезешкианын өтән ил Азәрбајҹана рәсми сәфәрини “уғурлу” дәјәрләндириб вә һәмин сәфәрдән сонра ики өлкә арасында мүнасибәтләрин даһа да инкишаф етдијини гејд едиб.
Бәјанатда Әлијевин Ҹәнуби Гафгазда сүлһүн тәмин олунмасына тохунараг бунун Иран үчүн — Азәрбајҹан вә Ермәнистанла ортаг сәрһәдләри олан өлкә кими — “хүсусилә мүһүм” олдуғуну вурғулајараг билдириб: Биз дүнјанын һәр јериндә сүлһүн тәрәфдарыјыг — ган төкүлмәдән вә мүһарибәсиз.
Диҝәр тәрәфдән, Иранын мүдафиә назири Нәсирзадә Иран Президентинин месажыны Илһам Әлијевә чатдырыб вә Бакыја Пезешкианын тапшырығы илә сәфәр етдијини билдириб.
Ҝөрүшдә тәрәфләр достлуг, гардашлыг вә хош гоншулуг принсипләри әсасында мүнасибәтләрин инкишаф етдирилмәсини вурғулајыб, һәмчинин мүдафиә саһәсиндә әмәкдашлығын перспективләри барәдә фикир мүбадиләси апарыблар.
Әлијев Иранын мүдафиә назири илә ҝөрүшдә билдириб: Бакы һәр заман Иранын сабитлији вә тәһлүкәсизлијинин мөһкәмләндирилмәсини диггәтдә сахлајыб вә достлуг, гардашлыг мүнасибәтләри чәрчивәсиндә Иран Ислам Республикасына гаршы һәр һансы тәһдидә јол верилмәјәҹәк.
Иранын мүдафиә вә силаһлы гүввәләрә дәстәк назири исә гејд едиб: Реҝионданкәнар ојунчуларын мүдахиләси бөлҝәдә тәһлүкәсизлик вә сабитлијә зәрбә вурур.
Sizin rəyiniz