Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Бу ҝүн Пакистан Шиә Үләмалары Шурасы, өлкәдәки танынмыш руһаниләрдән вә Шиә руһани мәктәбләринин рәһбәрләри, Әлламә Сејид Һәсәнин Аббас Гардизинин сәдрлији илә бир бәјанат јајараг Ислам Ингилабынын Али Рәһбәринә өз садигликләрини бир даһа тәсдигләдиләр вә АБШ Президенти Доналд Трампын Ирана вә Ингилаб Лидеринә гаршы сон ачыгламаларыны гәтијјәтлә писләдиләр.
Бәјанатда дејилир: “Доналд Трампын президентлији дөврүндә АБШ дүнја сүлһү үчүн ҹидди бир тәһдидә чеврилиб вә онун Иран Ислам Республикасына гаршы сон ачыгламалары, еләҹә дә Ислам Ингилабынын Али Рәһбәринә гаршы тәхрибатчы мөвгеләри тәһрикедиҹи вә мәсулијјәтсиз бир һәрәкәтдир.
АБШ тәрәфиндән Әлаһәзрәт Ајәтуллаһ Узма, Сејјид Әли Хаменеијә зәрәр вермәк вә ја Иран Ислам Республикасына һүҹум етмәк үчүн едилән һәр һансы бир ҹәһд мүһарибә акты һесаб едиләҹәк.”
Пакистан Шиә Үләмалары Шурасы Ислам Ингилабынын Али Лидерини дәстәкләмәкдә бирләширләр вә она гаршы һәр һансы бир һәрәкәти гәбуледилмәз һесаб едирләр.
Пакистан Шиә Үләмалары Шурасынын үзвләри Ислам дүнјасынын мәнәви лидеринин мүгәддәслијини вә тәһлүкәсизлијини горумаг үчүн динҹ, һүгуги вә дипломатик јоллар сечәҹәкләрини вә дүнја иҹтимаијјәтинә дини лидерләрә гаршы тәһдидләрин гәбуледилмәз олдуғуну ачыг шәкилдә билдирәҹәкләрини вурғулајырлар.”
Шура һәмчинин Бирләшмиш Милләтләр Тәшкилатыны вә бејнәлхалг инсан һаглары гурумларыны Иран Ислам Республикасына гаршы тәхрибатчы риторика вә тәһдидләрә ҹаваб вермәјә вә реҝионда сүлһүн вә сабитлијин тәмин едилмәсиндә өз ролларыны ојнамаға чағырыб.
Sizin rəyiniz