Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Сионист Исраил режиминин Азәрбајҹандакы јени сәфири бу өлкәнини милли ҝејимини ҝијәрәк Бакыја ҝәлиб.
АЗЕРЫ САҺАР ТВ хәбәр аҝентлијинин билдирдијинә ҝөрә, Исраил сәфирлији рәсми "Х" сәһифәсиндә Ронен Краус-ун дипломатик миссијаја башладығыны һәјәҹанла хәбәр вериб.
Хатырладаг ки, өтән ҝүн Краусун өз етимаднамәсини әввәл Хариҹи Ишләр Назирлијинә, сонра исә президент Илһам Әлијевә тәгдим едәҹәји билдирилмишди. Даһа сонра, О, Губа рајонунда јәһудиләрин јашадығы Гырмызы гәсәбәјә сәфәр едәҹәк.
Бу арада сионист сәфирин Азәрбајҹана дахил оларкән бу мүсәлман өлкәсинин милли ҝејимини мурдарламасы Исраилин Азәрбајҹандакы фәалијјәтләри вә дипломатик стратеҝијалары контекстиндә чох ҹидди вә һәссас мәгамлары әһатә едир.
Бунунла әлагәдар билдирәк ки, Исраилин кечмиш сәфири мүтәмади олараг медиада вә сосиал платформаларда Ирана гаршы тәблиғат характерли чыхышларла јадда галыб. Бу фәалијјәт һеч шүбһәсиз Азәрбајҹанын Иранла мүнасибәтләринә зәрәр вурмаг мәгсәдини ҝүдүрдү. Бу, хунта режиминин өз марагларыны реҝионда јајмаг, ејни заманда Азәрбајҹан ҹәмијјәтини өзүнүн анти-Иран мөвгејинә ҹәлб етмәк нијјәти илә изаһ олуна биләр.
Јени сәфирин исә Азәрбајҹан милли ҝејими илә Бакыја ҝәлмәси символик бир жест кими тәгдим олунса да, әслиндә бу тип давранышларын архасында бир нечә мәгсәд ҝизләнә биләр: Халг арасында популист имиҹ јаратмаг – ҝуја Исраил Азәрбајҹана вә онун мәдәнијјәтинә һөрмәтлә јанашыр, икинҹиси дипломат ријакарҹасына халгын етимадыны газанмаг вә иҹтимаијјәтин диггәтини сионист режимин Гәззәдәки ҹинајәтләриндән јајындырмаг истәјир. Она ҝөрә дә белә давранышлар шәксиз халгын дини-мәдәни дујғуларына тәһгирамиз мүнасибәт кими гијмәтләндириләҹәк.
Диҝәр тәрәфдән бу жест һәм дә Азәрбајҹан ҹәмијјәтиндә Исраилә гаршы олан тәбии вә дини етиразлары нејтраллашдырмаг үчүн бир символик аддымдыр.
Нәһајәт јени сионист дипломатын ҝәләҹәк фәалијјәтләрини индидән беләҹә прогноз етмәк олар: Азәрбајҹанын дахили ишләринә гарышмаг, Иранла мүнасибәтләри позмаға ҹәһд етмәк, ријакарлыг наминә халгын үрәјини әлә алмаг вә һәгигәтләри манипулјасија етмәк. Һеч шүбһәсиз ки, ријакар сәфир өз сәләфләри кими Азәрбајҹан әразисиндән Ирана гаршы кәшфијјат вә тәблиғат базасы кими истифадә олунмасына јол ахтараҹаг.
Sizin rəyiniz