Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ирагын баш назири АБШ вә мүттәфигләринин Ираг парламентиндә Халг Сәфәрбәрлик Гүввәләри илә бағлы ганунун гәбулуна мане олмаг үчүн тәзјигләринә ҹаваб олараг, дејиб:
"Һәшдүш-Шәби Гүввәләри һаггында ганун институсионал тәһлүкәсизлик ислаһатлары чәрчивәсиндәдир вә тәһлүкәсизлик гурумларынын марагларына хидмәт едир".
"Associated Press"ә мүсаһибә верән Ирагын баш назири Мәһәммәд Әс-Судани АБШ вә сионист режимин Ирана тәҹавүзү илә бағлы дејиб:
"Гоншумуз Иранын тәһлүкәсизлији бизим тәһлүкәсизлијимиз вә реҝионун тәһлүкәсизлијидир вә биз торпағымыздан гоншуларымызын тәһдид едилмәсинә иҹазә вермәјәҹәјик".
О, һәмчинин гејд едиб едиб ки, Гәззә золағында аҹлыг вә гырғынларын көлҝәсиндә сојгырымын шаһиди олуруг. Бу вәзијјәт тәәссүф доғурур. Артыг бәјанатларын, гынагларын вә нараһатлыг ифадәләринин давамлы олараг, верилмәси гәбуледилмәздир.
"Бүтүн тәрәфләр тәҹавүзү дајандырмаг үчүн өз мәсулијјәтини дашымалы вә Гәззә золағына һуманитар јардымын чатдырылмасы үчүн тәшәббүс ҝөстәрмәлидир”, Әс-Судани әлавә едиб.
О, давамында дејиб: "Сурија Ирагын милли тәһлүкәсизлији һесаб олунур вә онун сабитлији бизим үчүн ваҹибдир. Биз Сурија халгынын тәһлүкәсизлик, сабитликдән вә онун бүтүн компонентләрини өзүндә бирләшдирән сијаси просесдән фајдаланмасыны истәјирик. Бәзи групларын Суријада етдикләри дәһшәтлидир вә тәәссүф доғурур. Биз Суријанын бөлүнмәсини рәдд едирик".
Sizin rəyiniz