Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ермәнистан парламентиндә һаким партијанын үзвү ачыглајыб ки, Ирәван АБШ-нин Азәрбајҹаны Нахчыванла бирләшдирәҹәк Сүник бөлҝәси үзәриндән кечән јолун 100 иллик иҹарәјә верилмәси илә бағлы тәклифини “милли суверенлијин тәслим олунмасы риски” сәбәбилә рәдд едиб.
Баш назир Никол Пашинјан сон 5 саатлыг мәтбуат конфрансында АБШ-нин тәклифинин деталлары илә бағлы суаллара бирбаша ҹаваб вермәкдән имтина етмишди. Лакин һөкумәтә јахын депутатлардан бири бу барәдә јени деталлар ачыглајыб.
Авропа Интеграсијасы Комитәсинин сәдри вә парламентдәки Мүлки Мүгавилә фраксијасынын үзвү Арман Јеғојан, “Фаҹтор ТВ” каналына вердији мүсаһибәдә дејиб: “АБШ јолун иҹарәси илә бағлы тәклиф верди, лакин биз ону гәбул етмәдик. Чүнки бу, суверенлијин верилмәси тәһлүкәси јарадырды.”
Онун сөзләринә ҝөрә, бу мәсәлә артыг ҝүндәмдән чыхарылыб вә һөкумәт тәрәфиндән арашдырылмыр.
Буна бахмајараг, Ермәнистан һөкумәти һәлә дә АБШ-нин бу истигамәтдә ирәли сүрдүјү тәклифләрлә бағлы әтрафлы мәлумат вермәкдән чәкинир. Депутат бу сусгунлуғу “гејри-мүәјјәнлик” илә изаһ едәрәк билдириб ки, һазырда садәҹә үмуми мәсәләләр мүзакирә олунур.
Sizin rəyiniz