Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Өтән ҝүн дүнјанын мүхтәлиф өлкәләриндән олан бир сыра журналистләр, “Сүбһ Медиа Мәркәзи”нин ев саһиблији илә, Иранын медиа шәһидләринин хатирәсини јад етмәк вә 12 ҝүнлүк мүһарибә заманы сионист режимин һүҹумуна мәруз галан јерләри зијарәт етмәк вә “Медиаја гаршы террору ләнәтләмәк” адлы тәдбирдә иштирак етмәк үчүн Теһрана ҝәлибләр.
ИРНА-нын мүхбири Теһрана сәфәр етмиш мүстәгил америкалы журналист “Ҹеннифер Кинҝс”лә ексклүзив мүсаһибә алыб.
-Лүтфән өзүнүзү тәгдим един.
Мән АБШ-дан ҝәлмишәм. Мүстәгил журналистәм, адым Ҹеннифер Кинҝсдир.
-Исраилин Ирана һүҹумундан нә вахт хәбәр тутдунуз?
Сон 22 ај әрзиндә Исраил фәләстинлиләрә гаршы ҝениш дискриминасија кампанијасына башладығы үчүн мән сосиал медианы демәк олар ки, даим изләјирәм. Беләликлә, һүҹум хәбәрини илк ҝүн баш верән кими ҝөрдүм. Бүтүн дүнја шок вә икраһ ичиндә иди.
-Сизҹә, Исраилин бу һүҹумда мәгсәди нә иди вә мәгсәдләринә наил олдуму?
Дүшүнүрәм ки, Исраилин јәгин ки, бир нечә мәгсәди вар иди. Онун ән мүһүм мәгсәдләриндән бири шүбһәсиз ки, һазырда Фәләстиндә һәјата кечиртдији ишғал вә гырғынлары давам етдирмәкдир. Бу сојгырымы давам етдирмәјин бир јолу, Ливанда, Јәмәндә вә инди дә Иранда олдуғу кими, тәҹавүз вә зоракылығы реҝионун диҝәр бөлҝәләринә дә јајмагдыр.Бу јанашма дүнјанын диггәтини һазырда Фәләстиндә баш верән “холокост”дан јајындырыр.
Икинҹи мәгам ондан ибарәтдир ки, онлар Ирандан, онун имканларындан вә өзүнү мүстәгил шәкилдә тәмин етмәсиндән тәһлүкә һисс едирләр. Фикримҹә, Исраил вә АБШ иллүзијаја гапыныблар вә истәнилән мүгавимәти әзмәк истәјирләр; бу да онларын әсас мәгсәдләриндән биридир.
-Исраил Ирана һүҹум едәндә Исраилә бу гәдәр бөјүк һәҹмдә ракет атылаҹағыны ҝөзләјирдинизми?
Доғрусу нә ҝөзләдијими дәгиг дејә билмирәм, амма дејә биләрәм ки, һамымыз мүсбәт мәнада тәәҹҹүбләндик. Нәһајәт, кимсә Исраилә гаршы чыхды.
Илләрдир ҝөрдүјүмүз будур ки, Исраил вә сионист варлыг һәмишә мүдафиәсиз инсанлары, гадынлары, ушаглары, әлилләри, гоҹалары, аҹ Гәзза әһалисини һәдәфә алыб вә бүтүн бунлары ҹәзасызлыгла едә билибләр.
Амма, Тәл-Әвив кими бир шәһәрин һүҹума мәруз галдығыны вә бу гәдәр бөјүк зијан ҝөрдүјүнү ҝөрмәк һәгигәтән һејрәтләндириҹи иди.
Дүшүнүрәм ки, бүтүн дүнја һәм шокда иди, һәм дә севинди; Бир чох инсанлар үчүн бу, раһатлыг аны иди, чүнки нәһајәт кимсә бу ҹинајәткар империјаја гаршы дурду.
-Хәбәрләри һарада изләдиниз вә әсас медианы сосиал медиа илә мүгајисә етсәниз, буну неҹә едәрдиниз?
АБШ-да рәсми медиалар ҝүлмәлидир. Әҝәр кимсә бу медиалара бахмаг үчүн екраны јандырсаныз, бу, садәҹә мәзмунунун абсурдлуғуна вә мәнасызлығына ҝүлмәк үчүндүр.
Америкада реал хәбәрләри әлдә етмәјин јеҝанә јолу сосиал медиа вә бејнәлхалг шәбәкәләрдир. Чүнки бүтүн Гәрб медиа каналлары садәҹә олараг дөвләтин тәблиғат машыныдыр.
-Бу ҝүн Фәләстин халгына глобал дәстәк чох ҝениш вүсәт алыб. Иранын Исраилә һүҹумуну нәзәрә алсаг, Иранын глобал иҹтимаи рәј гаршысында мөвгеји неҹә өлчүлүр?
Дејәрдим ки, ән азындан АБШ-да Фәләстинә дәстәк үчүн формалашан анти-сојгырым кампанијалары фонунда Иранын АБШ вә Исраилин ҹинајәткар империјасына гаршы дурмасы өлкәнизи чохларынын ҝөзүндә мүсбәт ишыгландырыб.
Бу, АБШ-да Иран вә Иран халгы һаггында узун илләр вә онилликләр боју апарылан мәнфи тәблиғат вә бејин јујулмасыны зәрәрсизләшдирди.
Мәнҹә, бу, чох мүсбәт олду вә Иранын тарихин доғру тәрәфиндә дајандығыны ҝөстәрди; Фәләстинин кәнарында јер тутараг, Исраил вә АБШ адлы бу ҹинајәткар вә сојгырым гурулушуна гаршы чыхды.
-Исраилин Гәзза, Ливан вә диҝәр бөлҝәләрдә кечирдији әмәлијјатлар заманы чохлу сајда журналист өлдүрүлүб. Иранда да 10-дан чох журналист Исраил тәрәфиндән өлдүрүлүб. Сизҹә, Исраил нијә журналистләри һәдәфә алыр вә медианы мәһдудлашдырыр?
Дүшүнүрәм ки, бунун сәбәби кифајәт гәдәр ајдындыр, һәгигәтин дүнја инсанларына чатмасыны истәмирләр. Онлар индијәдәк тәкҹә Гәззада 200-дән чох журналисти өлдүрүбләр, чүнки онлар төрәтдикләри ҹинајәтләрини дүнја халглары тәрәфиндән ҝөрмәсини истәмирләр.
Sizin rəyiniz