Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Франса Хариҹи Ишләр Назирлији бәјанат јајараг, Иранын ики Франса вәтәндашы - Сесил Коһлер вә Жак Париси ҹасуслуг иттиһамы илә һәбсдә сахламаға давам етмәсини мәһкум едиб.
Хатырладаг ки, ики Франса вәтәндашы үч илдир ки, Иранда һәбсдәдир. Иран Ислам Республикасынын Әдлијјә Назирлијинин сөзчүсү кечән ил билдирмишдир ки, ики Франса вәтәндашы олан Сесил Коһлер вә Жак Парис 1402-ҹи илин Ордибеһишт ајында әҹнәбиләрә вә өлкәјә гаршы ҹасуслуг, һабелә милли тәһлүкәсизлијә гаршы ҹинајәт төрәтмәк үчүн топлашмаг вә әлбир олмаг иттиһамлары илә һәбс едилибләр.
Гејд едәк ки, Франса март ајындан бу өлкәдә јашајан Иран вәтәндашы Меһдијјә Исфәндиарини ганунсуз олараг һәбс етмишдир.
Иран Ислам Республикасы Хариҹи Ишләр Назирлијинин сөзчүсү Исмаил Бәгаји Франсада сахланылан бу Иран вәтәндашынын вәзијјәти вә бунунла бағлы сон арашдырма илә бағлы суалын ҹавабында дејиб: “Тәәссүфлә гејд етмәк лазымдыр ки, Франсада башга өлкәләрин вәтәндашлары сионист режимин сојгырымына гаршы чыхдыглары үчүн һәбс едилир вә әслиндә бу, ифадә азадлығы һүгугунун позулмасы вә бу режимин Гәззада төрәтдији ҹинајәтләринин тәсдиги демәкдир.”
Sizin rəyiniz