Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Оманын хариҹи ишләр назири Бәдр Әл-Бусәид өзүнүн Х-Нет һесабында билдириб ки, Иран вә АБШ арасында данышыгларын алтынҹы раунду ҝәлән базар ҝүнү Оманын пајтахты Маскатда кечириләҹәк.
Американын “Ахиос” сајты да Америка рәсмисинә истинадән иддиа едиб ки, АБШ-ын баш мүзакирәчиси Стив Уиттакер базар ҝүнү Маскатда Иран Ислам Республикасынын хариҹи ишләр назири Сејид Аббас Әрагчи илә ҝөрүшәҹәк.
Иран вә АБШ арасында Иран Ислам Республикасынын нүвә програмы илә бағлы долајы данышыглар индијәдәк Мускат вә Ромада беш дәфә кечирилиб.
Иран дәфәләрлә бәјан едиб ки, һеч вахт нүвә силаһы әлдә етмәјә ҹәһд ҝөстәрмәјиб вә АБШ-ын бу данышыгларда мәгсәди Иранын нүвә силаһына саһиб олмасынын гаршысыны алмаг оларса, разылашманын әлдә олунмасы мүмкүндүр. Бунунла белә, Теһран дәфәләрлә бәјан едиб ки, уранын өз торпағында зәнҝинләшмәси өлкәнин гырмызы хәттидир вә һеч вахт бундан ҝери чәкилмәјәҹәк.
Sizin rəyiniz