Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Халгларын мүстәмләкәчилик вә һөкмранлыға гаршы мүбаризәләринин шәрәфинә тәшкил едилән рәмзи мәрасимдә "Үмумафрика Халгларын Ингилаб Партијасы" Фәләстинли шәһид лидер Јәһја Синварын Фәләстин мүгавимәтинә рәһбәрликдә өнҹүл ролуну вә хүсусилә дә “Әл-Әгса туфаны” дөјүшү заманы сионист режимин ишғалына гаршы Фәләстин халгынын һүгугларыны гәһрәманҹасына мүдафиә етдијини тәгдир едәрәк 2025-ҹи ил үчүн иллик "Кваме Туре" мүкафатыны шәһид Јәһја Синвара тәгдим едиб.
Мәлумата ҝөрә, мүкафатландырма мәрасими “Африка Гуртулуш Ҝүнү”нүн иллик гејд олунмасы чәрчивәсиндә кечирилиб; Бу ҝүн 1963-ҹү ил мајын 25-дә Африка Бирлији Тәшкилатынын јаранмасынын илдөнүмү илә үст-үстә дүшүр вә Африка халгларынын мүстәмләкәчилик, иргчилик вә асылылыға гаршы мүбаризәләрини хатырлајыр. Бу мәрасимдә мүкафат Шәһид Синвар аиләси вә Ислами Мүгавимәт Һәрәкаты ҺӘМАС адындан Фәләстин Алтернатив Ингилаби Јол Һәрәкаты тәрәфиндән алыныб.
Ислами Мүгавимәт Һәрәкаты ҺӘМАС-ын нүмајәдәсинин етдији чыхышынын бир һиссәсиндә дејилирди: “Бу мүһүм тәдбирдә, Африканын Гуртулуш Ҝүнүндә иштирак етмәк вә етибарлы бир гурум кими Кваме Туре мүкафатыны алмаг вә ону бөјүк Фәләстинин милли лидери Шәһид Јәһја Синварын аиләсинә вә јолдашларына һәср етмәк бизим үчүн шәрәфдир”.
ҺӘМАС-ын нүмајәндәси чыхышында һәмчинин вурғулајыб: “Бу мүкафат Фәләстин азадлыг һәрәкаты илә Африканын азадлыг һәрәкатлары арасындакы тарихи бағын дәринлијини вә ҝүҹүнү символлашдырыр. Сизин фәдакарлығыныз, шәһидләриниз, ингилаб лидерләриниз бизи һәмишә руһландырыб; вә Кваме Туренин Јолу һәмишә Фәләстин мәсәләсинә дәстәк верән ајдын вә ингилаби мөвге илә мүшајиәт олунуб. О, сионизмлә империализм арасындакы әлагәни чох ҝөзәл анлајырды”.
Sizin rəyiniz