АБНА24 Хәбәр Верир, Америка Конгресинин Нүмајәндәләр Палатасы јерли вахтла чәршәнбә ахшамы ҝүнү ахшамчағы Мериленд штатындан олан демократ нүмајәндә Ҹимми Раскин тәрәфиндән тәгдим олунмуш гәтнамәни гәбул едәрәк, бу өлкәнин витсе-президенти Мајк Пенсдән истәјибдир ки, президентин кәнарлашдырылмасы үзрә әсас гануна 25-ҹи дүзәлишин дөрдүнҹү маддәсинә әсасән, дәрһал өз ҝүҹү вә ихтијарларындан истифадә етсин. Бу гәтнамә елә бир һалда гәбул едилибдир ки, јерли вахтла чәршәнбә ахшамы ҝүнүнүн әввәлләриндә Пенс Америка Конгресинин Нүмајәндәләр Палатасынын сәдри Ненси Пелосијә мәктубунда Трампын истефасы илә бағлы 25-ҹи дүзәлиши активләшдирмәк истәјини рәдд етмишди. Пелоси дә өнҹәдән хәбәрдарлыг етмишди ки, Пенсин конститусијаја 25-ҹи дүзәлиши фәал етмәкдән имтина едәҹәји тәгдирдә, конгресин нөвбәти сечими, Трампын импичментинә доғру һәрәкәт олаҹагдыр. Нүмајәндәләр Палатасынын демократлары бу ҝүн иғтишаша тәһрик иттиһамы илә Трампын импичменти лајиһәси һагда сәсвермә кечирмәк нијјәтиндәдирләр. Трампын президентлик дөврү 2021-ҹи ил јанварын ијирмисиндә баша чатыр. Бу мүддәт битмәздән өнҹә импичмент едиләҹәји һалда, Трамп сенатын гәрары илә Америка Бирләшмиш Штатларында истәр сечки, истәрсә дә тәјинат үзрә һәр ҹүр федерал вәзифәни тутмаг һүгугундан мәһрум едилә биләр. Трамп јанварын 6-да конгресин сенатла бирҝә иҹласыны чахнашмаја чәкмәк үчүн тәрәфдарларыны гызышдырмагла нәинки өз вәзивәсиндә бәрпа олунмады, әксинә президентлик офисини тәрк етмәздән өнҹә вәзифәсиндән кәнарлашдырылма вә импичмент биабырчылығы илә үзләшди.
342/
