АБНА24 Хәбәр Верир, онун сөзләринә ҝөрә, Иранын өһдәликләринин азалмасы нүвә анламасына әсасән баш вериб вә бу мәсәлә нүвә анлашмасынын битмәси демәк дејилдир. «Фордо» тәсисатларында 20 фаизлик зәнҝинләшдирмәнин һәјата кечирилмәсинин ардынҹа Сејјед Әббас Әрагчи Иранын 2-ҹи телеканалынын хүсуси диалог програмында белә дејиб: Бүтүн бу просес, Бејнәлхалг Атом Енержиси Аҝентлијинин мәлуматландырылмасы вә Иранын МАГАТЕ мүаһидәсиндәки өһдәликләринә әсасланан анкет нүмунәсинин тәһвил верилмәси кими илкин аддымларын атылмасындан сонра һәјата кечибдир. Әрагчи билдириб ки, авропалылар нүвә анлашмасы үзрә өһдәликләриндәки аҹизликләрини ҝөстәрдиләр вә онлар Иранын нүвә анлашмасындакы мәнфәәтләрдән истифадә етмәси үчүн зәманәт верә билмәдиләр. О, сонра сөјләјиб: Әҝәр гаршы тәрәфләр өз өһдәликләринә әмәл едә билмәзләрсә, биз бу мәсәләјә јенидән бахаҹағыг. Әрагчи 20 фаизлик зәнҝинләшдирмәјә ҝөстәрилмиш реаксијалар, о сырадан/ «Иранын бу аддымы онун нүвә анлашмасындакы өһдәликләриндән диггәтәлајиг шәкилдә јајынмасы демәкдир» дејән/ Авропа Бирлији сөзчүсүнүн ифадәси илә бағлы вурғулајыбдыр ки, өзләрини үздәнираг «демократијанын бешији» һесаб едән авропалыларын Иран Ислам Шурасы Мәҹлисинин гәрарынын иҹра олунмасына ирад тутмаға һаглары јохдур. Иран хариҹи ишләр назиринин сијаси мүавини сонра билдириб ки, 20 фаизлик зәнҝинләшдирмәнин јенидән башланмасы һәм НПТ мүаһидәсинә, һәм МАГАТЕ пактына, һәм дә нүвә анлашмасына әсасән, ганунидир. О. сонра сөјләјиб: Һал-һазырда 20 фаиздән чох зәнҝинләшдирмә апармаға еһтијаҹымыз јохдур, амма әҝәр онун үчүн бир еһтијаҹ тәриф едиләрсә, бу һагда јенидән гәрар чыхармаг олар. Әрагчи сионист режимин баш назири Бенјамин Нетанјаһунун 20 фаизлик зәнҝинләшдирмәнин јенидән башланмасына олан реаксијасы вә Иранын аддымынын онун һәрби нүвә сәнајесинин инкишафы истигамәтиндә олмасына даир сөзләри барәдә исә белә дејиб: Өзү нүвә силаһына малик олан бир режим Ираны нүвә силаһынын ардынҹа олмагда иттиһам едә билмәз. Иран Ислам Республикасынын нүвә силаһындан имтинаја даир сијасәтинин һәлә дә дәјишмәдијини вурғулајан Сејјед Әббас Әрагчи вурғулајыб ки, Иранын мүдафиә-тәһлүкәсизлик һесабламаларында вә дини етигадларында нүвә силаһларына јер јохдур.
342/
