АБНА24 Хәбәр Верир, Трамп администрасијасы Америка мәһсулларына әдаләтсиз рүсумлар дејиләнә ҝөрә, Франса вә Алманијаја гаршы бәнзәр аддымлар атаҹағыны сөјләјиб. Трамп администрасијасы, Үмумдүнја Тиҹарәт Тәшкилатынын (ҮТТ) мәһкәмәсиндән сонра Авропа Бирлијинин Америка мәһсулларына әһәмијјәтли дәрәҹәдә рүсум тәтбиг етдијини билдириб. Рүсумларын артымы, тәјјарә истеһсалчыларына верилән субсидијаларла бағлы АБШ-ын “Боеинҝ” ширкәти илә Авропа истеһсалчысы “Аирбус” арасында ҝедә нузунмүддәтли мүбаһисәләрин бир һиссәси кими дәјәрләндирилир. Вашингтон АБ-јә башга бир хәбәрдарлыгда, блоку әдаләтсиз тариф мәһдудијјәтләринин компенсасијасы үчүн әлавә аддымлар атмаға чағырыб. Тарифләрин Ҹо Бајденин һакимијјәтә ҝәлмәсиндән әввәл 12 јанвар тарихиндә гүввәјә минәҹәји дејилир. Гејд едәк ки, Брүссел сентјабр ајында узун сүрән мүбаһисәләрин давамы олараг, авиасија секторларына тарифләр тәтбиг етди. АБШ бу аддымы елә бир һалда атыр ки, америкалы вә авропалы мүзакирәчиләр, авиасија сәнајесинә верилән субсидијаларла бағлы узун мүддәтдир давам едән мүбаһисәләрин дајандырылмасы үчүн данышыглары давам етдирирләр.
342/
