АБНА24 Хәбәр Верир, Ливан Һизбуллаһынын баш катиби Сејид Һәсән Нәсруллаһ Ислам Ингилабы Кешикчиләри Корпусу СЕПАҺ-ын Гүдс Гүввәләринин шәһид команданы ҝенерал-лејтенант Һаҹы Гасим Сүлејманинин шәһадәтинин илдөнүмү мүнасибәтилә, Иранын "Пресс ТВ" каналына вердији мүсаһибәдә, дејиб: "Бу бөјүк шәһид һәмишә дөјүш мејданына ҝедиб, вәзијјәти јахындан изләјиб, дөјүшчүләринин сөзләрини динләјирди вә белә бир характер она идарә етмәдә вә команданлгда хүсуси бир имтијаз бәхш едирди". "Ҝенерал Сүлејманинин диҝәр бир хүсусијјәти онун јорулмазлығы иди. О, һеч вахт ишләмәк вә чалышмагдан әл чәкмирди, чәтинликләр вә проблемләр гаршысында чох сәбирли вә дөзүмлү иди", - дејә Нәсруллаһ гејд едиб. Ливан Һизбуллаһынын баш катиби сонра дејиб: "Суријалы вә ираглы командирләр һәмишә дејирдиләр ки, ИШИД-ә гаршы мүбаризәдә Шәһид Сүлејмани дөјүшүн өн хәттиндә вә ираглы вә суријалы һәрбчиләрин јанында иди вә бу, онун диҝәр бир бариз хүсусијјәти иди". Сејид Һәсән Нәсруллаһ шәһид Сүлејманинин Ливанын 33 ҝүнлүк мүһарибәсиндәки ролу һагда дејиб: "Мүһарибәнин илк ҝүнләриндә Һаҹы Гасимин Ливанда олмасы чох һәјати вә әһәмијјәтли иди вә о, мүһарибәнин сон ҝүнүнә гәдәр Ливанда галды". "Шәһид Сүлејмани һамыдан чох Ислама, мүсәлманлара вә мүгавимәтә хидмәт едирди вә мәним вә мүгавимәт гүввәләри нәздиндә чох јүксәк мөвгејә саһибдир", - дејә Ливан Һизбуллаһынын баш катиби әлавә едиб. Гејд едәк ки, јанварын 3-дә Ираг рәсмиләринин рәсми дәвәти илә бу өлкәјә сәфәр етмиш Ислам Ингилабы Кешикчиләри Корпусу СЕПАҺ-ын Гүдс Гүввәләринин шәһид команданы ҝенерал-лејтенант Һаҹы Гасим Сүлејмани тәҹавүзкар вә террорчу АБШ гүввәләринин Бағдадын јахынлығындакы аеропорта ендирдији һава зәрбәләри нәтиҹәсиндә шәһид едилиб.
342/
