АБНА24 Хәбәр Верир, Русија рәсмиләри Вашингтонун бу гәрарыны вә АБШ дөвләт катиби Мајк Помпеонун анти-рус рәфтарыны тәнгид едибләр. Русија Дөвләт Думасынын Бејнәлхалг Мәсәләләр Комиссијасынын сәдри Леонид Слутскиј дүнән бир твиттдә јазыб ки, АБШ дөвләт катиби Мајк Помпео руһи хәстәдир вә ағыр психоложи шәраитдән әзијјәт чәкир. Слутскиј сонра вурғулајыб: Американын Русијадакы ики консуллуғуну бағламаг вә Русијаны өз дүшмән өлкәләри сијаһысына салмаг, Помпеонун бу руһи вәзијјәтиндән сөз ачыр. Доналд Трамп һөкумәти өзүнүн сон ҝүнләриндә бу өлкәнин Русијанын Владивосток вә Јекатеринбург шәһәрләриндә галмыш ики консулханасыны бағламаг нијјәтиндәдир. Беләликлә, Американын јалныз Москвадакы сәфирлији фәалијјәт ҝөстәрәҹәк. Бундан өнҹә Русија президентинин мәтбуат катиби Дмитри Песков Америка һөкумәтинин Русијада галмыш ики консуллуғуну бағламаг гәрарына ишарә илә демишди ки, Ағ Ев-ин бу аддымы ики өлкә мүнасибәтләрини бундан артыг позмајаҹаг, чүнки Американын Русијадакы консулханалары чохдан иди ки, фәалијјәт ҝөстәрмирдиләр. Бундан габаг Американын/ Инҝилтәрәдә јашајан рус ҹасус Серҝеј Скрипал илә гызы Јулијанын әсәб системини позан һәрби зәһәрлә зәһәрләндирилмәләри һагда Русијаја иттиһам вурмасынын ардынҹа Москва Вашингтона Санкт-Петербургдакы консулханасыны јығышдырмаг барәдә ҝөстәриш вермишди. Кремл илә Ағ Ев арасындакы әлагәләр сон ајлар бр сыра мәсәлә үстүндә ҝәрҝинликлә мүшајиәт олунубдур.
342/
