АБНА24 Хәбәр Верир, Түркијәнин Хариҹи Ишләр Назирлијиндән верилән ачыгламада билдирилиб ки, рәсми Анкара “АБШ-ын С-400 ЗРК тәдарүкү сәбәбиндән Түркијәјә гаршы биртәрәфли санксијалары нәзәрдә тутан гәрары гынајыр вә рәдд едир”. “Түркијә милли тәһлүкәсизлијини тәмин етмәк үчүн лазым олдуғуну дүшүндүјү тәдбирләри ҝөрмәкдән имтина етмәјәҹәк”, - Түркијә ХИН-ин јајдығы ачыгламада белә дејилир. Ачыгламада гејд олунуб ки, Түркијә бу санксијаја гаршы лазыми аддымлары атаҹаг. Һәмчинин Түркијә тәрәфиндән әлдә олунан С-400 системләри илә әлагәдар НАТО системләринин зәифлији илә бағлы АБШ-ын иддиаларынын һеч бир техники әсасы јохдур. “Түркијә НАТО-нун иштиракы илә техники бир ишчи групунун јарадылмасы тәклифини ирәли сүрүб вә дәфәләрлә бу мәсәләни објектив вә реал әсасда, сијаси гәрәзсиз јолла һәлл етмәји тәклиф едиб. АБШ-ы бу әдаләтсиз санксија гәрарына јенидән бахмаға дәвәт едирик”, - дејә сәнәддә билдирилиб.
342/
