АБНА24 Хәбәр Верир, Иранын Вјанада јерләшән бејнәлхалг тәшкилатлардакы сәфири вә даими нүмајәндәси Казим Гәрибабади АЕБА-нын баш директоруна үнванладығы мәктубда, Иранын мүдафиә вә нүвә саһәси үзрә бир нөмрәли алими Мөһсүн Фәхризадәнин террор едилмәсинин шәффаф шәкилдә вә гејд-шәртсиз гынанылмасына чағырыб. Гәрибабади Исраил режиминин бу террор һүҹумунда иштиракына вә мәсулијјәт дашыдығына даир ҝүҹлү вә ајдын дәллиләрин олдуғуна тохунуб вә дејиб: "АЕБА вә она үзв өлкәләр ән јүксәк сәвијјәдә тәфтишә мәруз галан, лакин диҝәр тәрәфдән алимләри террор едилән вә ја террор тәһлүкәси илә үзләшән, нүвә објектләри һүҹумла һәдәләнән вә ја тәхрибата мәруз галан Иран гаршысында тәҹили вә әсаслы мәсулијјәт дашыјырлар". Мәктубда гејд олунуб ки, Др. Мөһсүн Фәхризадәнин террор едилмәси он ил әввәл вә 2010, 2011 вә 2012-ҹи илләрдә Иранын бир нечә нүвә алиминин террор едилмәси илә башлајан вә бејнәлхалг иҹтимаијјәтин вә мүвафиг бејнәлхалг тәшкилатларын диггәтини тәләб едән террор актларынын давамыдыр. Иранын Вјанада јерләшән бејнәлхалг тәшкилатлардакы сәфири вә даими нүмајәндәси АЕБА тәрәфиндән ҝизли мәлуматларын горунмасынын јүксәк әһәмијјәтә малик олдуғуну бәјан едәрәк, хатырладыб: "Аҝентлијин һесабатларында Иранын нүвә програмы илә бағлы деталлы мәлуматларын лазымсыз дәрҹ едилмәсинә сон гојмасы гәти шәкилдә ҝөзләнилир". Гарибабади вурғулајыб: "Иран Ислам Республикасы бу террор актына ҹаваб олараг, бүтүн лазыми тәдбирләри ҝөрмәк үчүн БМТ низамнамәси вә бејнәлхалг һүгуг нормалары чәрчивәсиндә өзүнүмүдафиә һүгугуну өзүндә сахлајыр".
342/
