АБНА24 Хәбәр Верир, бу ҝүн, 2020-ҹи ил нојабрын 25-и, Иран Ислам Республикасынын баниси Һәзрәт Имам Хомејни(р.ә)-ин фәрманы илә «Бәсиҹе Мостәзәфан» тәшкилатынын јарадылмасынын илдөнүмү ҝүнүдүр. Ислам Ингилабынын Бөјүк Рәһбәри Һәзрәт Ајәтуллаһулузма Хаменеи бу ҝүн јајылан бир мүраҹиәтдә вурғулајыблар: Бәсиҹ Имам(р.ә)-ин бөјүк вә парлаг јадиҝары, милли гүдрәтин тәзаһүрү, сафлыг, халислик, ҝөзүачыглыг вә мүбаризәнин сәрҝисидир. Ислам Ингилабынын Бөјүк Рәһбәри сонра белә гејд едибләр: Өлкәнин, онун истиглалијјәти вә сабитлијинин мүдафиәсиндә, өлкә ҝенишлији мигјаслы һәјати хидмәтләрдә, габагҹыл елми фәалијјәтләр вә мүасир технолоҝијаларда, дәјәр рәфтарларында вә мәнәви атмосферин јарадылмасында- бүтүн јерләрдә бәсиҹин ады чәкилир вә бәсиҹин иштиракы ҹилвәләнир. Һәзрәт Ајәтуллаһулузма Хаменеи бу мүраҹиәтин давамында өзүнәинам, мәсулијјәт һисси кечирмә, иман вә әзмкарлығын бу габилијјәтләрин вә дүјүнләрин ачылмасынын әсас дајаглары олмасына ишарә илә сөјләјибләр: Бунлар Аллаһ-Тааланын вердији немәтләр вә бәхшајешләрин өзүдүрләр ки, Аллаһ-Таалаја шүкр етмәк вә даими мүһафизә илә онлары горумаг вә онлара әлавә етмәк лазымдыр. Ислам Ингилабынын Бөјүк Рәһбәри вурғулајыблар ки, бәсиҹ Иран халгынын бөјүк сәрвәти вә Аллаһ-Тааланын вердији бир еһтијатдыр. О һәзрәт белә гејд едибләр: Бу халгын дүшмәнләри һазырда вә һәмишә ону мәһв вә тәсирсиз етмәк фикриндә олублар вә олаҹаглар. Һәзрәт Ајәтуллаһулузма Хаменеи һәмчинин вурғулајыблар: Тәшкилат үзрә мәсул шәхсләр вә әзиз бәсиҹиләрин һәр бири өзүнү дүшмән һијләсини ләғв етмәјә борҹлу билмәли вә тәвәккүл, иман вә програмлашдырма илә ирәлиләмәлидирләр.
342/
