АБНА24 Хәбәр Верир, АБШ-ын һәрби сәнәдләри ИШИД террор груплашмасынын јени лидери һаггында ҝизли мәлуматлары ифша едиб. Әл-Фурат хәбәр шәбәкәси гејд едиб ки, мәхфи сәнәдләр ИШИД-ин јени лидери Әбу Ибраһим Әл-Гураши кими танынан Әмир Мәһәммәд Сәид Әбдүл Рәһман Әл-Мавлинин Ирагдакы онларла ИШИД үзвүнә хәјанәт етдијини ҝөстәрир. Бу сәнәдләрә ҝөрә, ИШИД-ин јени лидери америкалылара 2008-ҹи илдә диндирмә заманы бу групун үзвләри барәдә мәхфи мәлуматлар вериб. О, һәмин дөврдә Ирагдакы Бока һәбсханасында АБШ-ын нәзарәтиндә олан бир мәһбус иди. Америкалылар мәһз Бока һәбсханасында ИШИД террорчуларыны јетишдирмәјә мүвәффәг олмушдулар. Әслиндә ИШИД-ин өзәји бу һәбсханада формалашмышды. Әл-Фуратын јаздығына ҝөрә, Пентагон тәрәфиндән апарылан Әл-Гураши диндирмәләри илә әлагәли 66 мәлуматдан јалныз үчү ачыгланыб. Бу хәбәрләр сајәсиндә Әл-Гураши һаггында јени мәлуматлар ортаја чыхыб. ИШИД лидери илә Вашингтон арасындакы бу гәдәр әмәкдашлыға бахмајараг, АБШ Әдлијјә Назирлији Әл-Гураши һаггында мәлумат саһиби оланлара мүкафат олараг 10 милјон доллар тәклиф етдијини иддиа едиб. Мәлумата ҝөрә, Әл-Гураши АБШ кәшфијјат аҝентләри илә әмәкдашлыг етмәји гәбул етмишди. Диндирмәләр заманы америкалылара әмәкдашлыг едән 88 террор үнсүрүнүн адларыны вермишди. Әл-Гураши, һәмчинин адам гачырма вә суи-гәсд әмәлијјатлары барәдә мәлуматлары ачыгламыш, лакин 2003-ҹү илдә бејнәлхалг коалисијанын Ирагдакы һүҹумунда иштиракыны инкар етмишди. Әл-Гурашинин етирафы, ИШИД-ин неҹә гурулдуғуну вә 2007 вә 2008-ҹи илләрдә АБШ-ын Ирагдакы гүввәләринин артмасындан сонра неҹә ҝүҹләнә билдијини ҝөстәриб.
342/
