АБНА24 Хәбәр Верир, Мәһәммәд Багери Теһранда Ирагын Мүдафиә назири илә ҝөрүш заманы журналистләрә мүсаһибә верәркән, ики өлкә арасындакы ҝениш әлагәләрә вә тарихи әмәкдашлыға ишарә едиб, Иран вә Ирагын сон дәгигләшдирмәләрдән кечән икитәрәфли әмәкдашлыг сәнәдинин һазырладығыны сөјләјиб. Ирагын Мүдафиә назири илә ҝөрүшүнә тохунан Мәһәммәд Багери, Ирагын сон илләрдә ИШИД дахил олмагла, бир нечә суи-гәсдлә гаршылашдығыны гејд едәрәк, ҝөрүшүн мәгсәдинин һәр ики өлкәдә тәһлүкәсизлији инкишаф етдирмәк вә дәринләшдирмәк олдуғуну вурғулајыб. Иран Силаһлы Гүввәләринин Баш Гәрарҝаһ рәиси, һәмчинин Иранын Ирагла тәлим, әмәлијјат вә мәсләһәтчи әмәкдашлығындан бәһс едәрәк, ИШИД галыгларына гаршы мүбаризә үчүн Иран Ислам Республикасынын мүшавирләринин Ираг дөјүшчүләринә гошулдуғуну гејд едиб. Иран Силаһлы Гүввәләринин Баш Гәрарҝаһынын рәһбәри АБШ-ын бөлҝәдәки террорчуларын јенидән ҝенишләндирилмәсинә чалышдығыны сөјләјәрәк, Теһран илә Бағдад арасындакы мүдафиә әмәкдашлығынын Ирагын тәһлүкәсизлијини јахшылашдыраҹағыны вурғулајиб.
342/
