АБНА24 Хәбәр Верир, бундан әввәл Трампын сечки гәрарҝаһы Аризона штатында шикајәт әризәси тәнзимләјәрәк, Рајон мәһкәмәсини АБШ президент сечкиләринин бу штатдакы нәтиҹәләрини тәсдиг етмәмәјә чағырыб. АБШ медиалары Трампын сечки гәрарҝаһынын ҝери чәкилмәсинә сәбәб кими бу штатда демократларын намизәди Ҹо Бајден вә Трамп арасында сәс фәргинин јүксәк олмасыны ҝөстәрирләр. АБШ медиалары Аризона штатында демократларын намизәди Ҹо Бајдени президент сечкиләринин галиби елан едибләр. АБШ-да сечкиләрин кечирилмәсиндән 10 ҝүндән чох вахт кечиб вә бу өлкәдә сәс сајма просеси һәлә дә давам едир; Трамп сечки сахтакарлығы мөвзусуну ирәли сүрүб вә сечкиләрин нәтиҹәсини гәбул етмәк истәмир. Өтән шәнбә ҝүнү бәзи АБШ медиалары, о ҹүмләдән "ҸНН", "Фох Неwс", Ассоҹиатед Пресс" вә "Нју-Јорк Тајмс" демократларын намизәди Ҹо Бајденин 290 електорал сәс газандығыны билдирәрәк, ону АБШ президент сечкиләринин галиби елан едибләр. Ондан сонра Трамп бир бәјанат јајараг, демократ рәгибинин сечкиләрдә галиб ҝәлдијини рәдд едәрәк, "бөјүк сечки сахтакарлыг адландырдығы шеји дајандырмаг үчүн мәһкәмәјә мүраҹиәт едәҹәјини билдириб. Трамп вә әтрафындакыларын сечки сахтакарлығы илә бағлы иддиалары һәлә һеч бир штатда өз тәсдигини тапмајыб.
342/
