АБНА24 Хәбәр Верир, буну Һәрби Информасија Мәркәзинин брифингиндә Азәрбајҹан Мүдафиә Назирлијинин (МН) мәтбуат катиби, полковник-лејтенант Анар Ејвазов дејиб. О билдириб ки, дөјүш әмәлијјатлары әсасән Ағдәрә, Хоҹавәнд вә Губадлы истигамәтләриндә давам етдирилиб. "Ермәнистан јенә дә дезинформасија јајараг, Азәрбајҹан Ордусунун ҝуја Ермәнистанын Гафан шәһәри јахынлығындакы кәнд истигамәтиндә дөјүш әмәлијјатлары апардығыны иддиа едир. Реаллыгда исә бу истигамәтдә Губадлыны артиллерија атәшинә тутан леҝитим һәрби һәдәфә гаршы Ордумуз адекват тәдбирләр чәрчивәсиндә атәш ачыб. Ермәнистан билмәлидир ки, бундан сонра да она гаршы адекват ҹаваб тәдбирләри ҝөрүләҹәк. Гошунларымызын мүдафиә хәттинә јахынлашмаға ҹәһд ҝөстәрән Ермәнистан хүсуси тәјинатлыларындан ибарәт кәшфијјат диверсија групунун фәалијјәтинин гаршысы гәтијјәтлә алыныб вә онлары дашыјан автомобил техникасы шәхси һејәтлә бирликдә дәгиг атәш зәрбәси илә мәһв едилиб”, - дејә А.Ејвазов гејд едиб.
342/
