АБНА24 Хәбәр Верир, ҸНН телеканалы билдириб ки, Америка президент сечкиләринә јетмиш ики саатдан аз бир вахтын галдығы бир һалда, бу өлкә вәтәндашларындан дохсан милјон отуз беш мин сәккиз јүз он бир нәфәр өз сәс бүллетенини сәс гутусуна салыб вә ја почтла ҝөндәрибдир. Бу мигдарда вахтындангабаг сәс, Америка тарихиндә мисли ҝөрүнмәмиш бир ҝөстәриҹи вә һадисәдир. ҸНН-ин билдирдијинә ҝөрә, бу мигдарда сәс 2016-ҹы ил Америка президент сечкиләриндә сәс гутуларына салынмыш бүтүн сәсләрин үчдә икисинә бәрабәрлик едир. Индијәдәк ики јүз отуз мин нәфәрдән чох америкалынын һәјатына сон гојмуш коронавирусун Америкада ҝениш шәкилдә јајылмасына әсасән, бу өлкәнин әксәр штатларынын рәсмиләри һәмин өлкәдә коронавирусун даһа да ҝенишләнмәсинин гаршысыны алмаг мәгсәдилә почт сечкиләринин кечирилмәсинә дәстәк верибләр. Америка президенти Доналд Трамп исә гијаби сәсвермә илә мүхалифәтини билдирмәк үчүн һеч бир фүрсәти әлдән гојмајыб вә дәфәләрлә билдирибдир ки, бу формада сәсвермә сечкиләрдә ҝениш сахтакарлығын баш вермәсилә нәтиҹәләнә биләр. Сон ајлар БИрләшмиш Штатларда апарылмыш әксәр рәј сорғусунун нәтиҹәләри, демократ партијасынын үч нојабр 2020-ҹи ил тарихиндә кечириләҹәк президент сечкиләринә намизәди Ҹо Бајденин Трампдан өндә ҝетмәсидән сөз ачыр.
342/
