Әһли Бејт - АБНА – Хәбәр Аҝентлијинин вердији хәбәрә әсасән, Талыш бөлҝәсинин мәшһур авторитети Рөвшән Ләнкәрански өтән ҝеҹә Түркијәдә ҝүлләләниб. Онунла бәрабәр сүрүҹүсү дә ҝүлләләниб.
Мәлуматла бағлы Рөвшән Ләнкәранскинин јахын гоһуму, милләт вәкили Фәзаил Ағамалы Бизимјол сајтына “Мән мәлумат өјрәнмәјә чалышдым. Чох чәтинликлә дә олса өјрәнә билдим. Чох тәәссүф, чох дәјәрли оғул иди.” – дејәрәк онун өлүм хәбәрини тәсдигләмишдир лакин Р. Ләнкәранскинин һазырда Түркијәнин Шишли Һамидије Тәдрис вә Арашдырма Хәстәханасынын реанимасија шөбәсиндә олдуғу вә вәзијјәтинин ағыр олдуғу билдирилир. Шишли Етфал хәстәханасындан Бизимјол.инфо-ја верилән ачыгламаја ҝөрә, Р. Ләнкәранскијә 5 ҝүллә дәјиб. Ҝүлләләрдән бири исә ҝөзүнә туш ҝәлиб. Ләнкәраниски сағдыр. Анҹаг вәзијјәти сон дәрәҹә писдир.
Гејд едәк ки, Фәзаил Ағамалынын гардашы гызы, Рөвшән Ләнкәранискинин гардашынын һәјат јолдашыдыр.
Амма Бакы вахты илә, 15:00-да Азәрбајҹанын Истанбулдакы консуллуғундан Бизимјол.инфо-ја билдирилиб ки, Рөвшән Ләнкәраниски бир нечә дәгигә бундан габаг вәфат едиб. Јахын дәгигәләрдә Хариҹи Ишләр Назирлији дә бунунла бағлы мәлумат јајаҹаг.
Вәтандашымызынјахынларынавәдоғмаларынадәринһүзүнләбашсалығыверирик.
Диггәт: Хәбәрдәнистифадәетдикдәмәнбәјәистинадлазымдыр.
