Әһли Бејт - АБНА – Хәбәр Аҝентлијинин вердији хәбәрә әсасән, Русија президенти Владимир Путинин дүшүнән бејни кими танынан Александр Дугин Американын Түркијәдәки сон гијамда ролуна даир дәһшәтли фактларын ачыгланмасы барәдә иддиа ирәли сүрүб.
"THE FOURTH REVOLUTIONARY WAR" (Дөрдүнҹү чеврилиш мүһарибәси) адлы сајтда јајымланан рус јазар Александр Дугинин јазысындан гыса бир һиссәни диггәтинизә чатдырырыг.
"Бу ҝүн Түркијәдә гијамын АБШ вә НАТО мәншәли олдуғундан кимсәнин шүбһәси галмамышдыр вә америкалы "Ҹампбелл’ин гијамдакы ролу бүтүн Түркијә гәзетләриндә јер алмагдадыр. Түркијәдә һәр кәс америкалыларын бу чеврилиш үчүн 2 милјард доллар ајырдыгларыны вә 80 МКИ әмәкдашыны бу ишин ичиндә олдуғуну билир. Тәбии олараг түркләрин, бу күрәкләриндән хәнҹәр зәрбәси алмаг кими нәтиҹә верән һадисәдән сонра Гәрбин мөвгеји тәмәлиндән дәјишди. Авропа, НАТО вә АБШ-ла гајнашма тәрәфдарлары оланлар инди бунун әлејһдары олдулар.
Түркијәдә ҝеријә нә галды? Бу гарышыг ҝеополитик проблеми неҹә һәлл едәҹәк? Дост сајылан инсанлар президент Әрдоғаны өлдүрмәјә ҹәһд етдиләр. Тәһлүкәсизлијин тәминатчысы сајыланлар Түркијәни дахили мүһарибәнин астанасына ҝәтирди. Әҝәр уғурлу олсајдылар, Түркијәдә сабитлик галмајаҹаг, бәлкә дә ЫЫЫ Дүнја Мүһарибәсинә гәдәр ҝедиб чыха биләҹәк ганлы бир дахили мүһарибә олаҹагды.
Не етмәли? Түркијә бу чәтин вәзијјәтлә неҹә баҹараҹаг? Тәбии ки, дәрһал бахылан тәрәф Шәрг; сон заманлара гәдәр рәгиб вә һәтта дүшмән олараг гәбул едилән Русија, Иран, Чин. Бу бир тәсадүф дә дејил. 9 августда Русија илә Түркијә арасындаки тарихи зирвәдә Рәҹәб Тајјип Әрдоған вә Владимир Путин бир араја ҝәлмәдән 3 ҝүн өнҹә Газахстан президенти Нурсултан Назарбајевлә Әрдоған бир араја ҝәлди. 8 август, бу ҝүн Бакыда Русија, Азәрбајҹан вә Иран президентләри ҝөрүшәҹәкләр. Бу бизә нә ҝөстәрир; бизләр, Шәргин Ислам өлкәләри, Орта Асија Түрк дөвләтләри, Түркијә, Азәрбајҹан вә бөјүк Русија Јахын Шәргдә гүввәләр балансынын стратежи гурулушунда мүһүм дәјишикликләр етмәјә һазырлашырыг.
Әрдоған вә Назарбајев, онлар көһнә дост вә мүттәфигләрдир. Аврасија Бирлијинин ән ҝүҹлү дәстәкчиләриндән олан Нурсултан Назарбајев тәбии ки Русијаја, Аврасија Бирлијинә јөнәләҹәк. Русија президенти, Илһам Әлијев вә Иран президенти Путин-Әрдоған ҝөрүшүндән әввәл нәләр данышдылар? Һарадајса, бүтүн ејни шејлери; дүнјаны чох гүтблү етмәк үчүн гүввәләр нисбәтини, Түркијәнин јени Аврасија сијасәти вә диҝәр бөлҝә гүввәләринин бу мәрһәләдә гошулмаларыны.
Бу ҝүн Түркијәдә һамы билир ки, Америка Русијанын гәдимдән бәри әсас дүшмәнидир вә түркләр гаршы тәрәфдә дејил, бизим тәрәфимиздә иди. Вә биз бирликдә олдуғумуз заманлар бөјүк уғурлара имза атдыг вә буну хүсуслә түркләр үчүн демәк даһа дүз олар.
Диггәт: Хәбәрдән истифадә етдикдә мәнбәјә истинад лазымдыр.
