Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, чөрәјин Ислам Дининдә өзүнә мәхсус јери вардыр. Белә ки, Мәсумлар чөрәј һагда бујурублар:
1. Чөрәј һәјат мәнбәјидир
Имам Садиг (әлејһи сәлам) шаҝирди Мүфәддәлә бујурур: Еј Муфәддәл! Бил ки, инсан һәјатынын доланышығыны ики әсас шеј еһтива едир. Чөрәј вә су.
Биһарул Әнвар Бејрут чапы ҹилд 3 сәһ. 86
2. Ән јахшы хөрәк
Һәзрәти Рәсулләлаһ (сәлләллаһу әлејһи вә алиһ) бујуруб: “Сизин ән јахшы хөрәјиниз чөрәј вә ән јахшы мејвәниз үзүмдүр.”
Мүстәдрәкул Вәсаил ҹилд 16, сәһ. 393.
3. Инсан бәдәни вә чөрәј
Чөрәк инсан һәјатында ән лазымлы мәсәләләрдән биридир. Белә ки, һәзрәт Әли (әлејһи сәлам) Муса пејғәмбәрин (әла нәбијјина вә алиһи вә әлејһи сәлам) чөрәј јемәмәзлиј үзүндән пис вәзијјәтә дүшдүјүнү вә Аллаһдан она чөрәј јетирмәсини тәләб етдијини дејир.
Һәзрәт Әли (әлејһи сәлам) бујурур: “Муса (ә) әрз етди: Пәрвәрдиҝара! Мәнә әта едәҹәјин бүтүн јахшылыглара мөһтаҹам”. Даһа сонра һәзрәт Әли (ә) бујурду: Анд олсун Аллаһа! Муса (ә) Аллаһдан аҹлығыны арадан галдырмаг үчүн јалныз бир тикә чөрәј истәмишдир. Чүн ки, Муса (ә) анҹаг ҝөјәрти једији үчүн бәдәниндәки әтләр әријиб (дәриси сүмүјүнә јапышмышдыр) вә једији ҝөјәртиләр онун дәрисинин алтындан ҝөрсәнирди.
Нәһҹүл Блағә Мәрһум Устад Дәштинин тәрҹүмәси сәһ 299
Имам Садиг (әлејһи сәлам) бујуруб: “Инсан анатомијасы чөрәј үзәриндә гурулуб.”
Усул Кафи ҹилд 6 сәһ 286
Амма мәлумдур ки, сағлам шәкилдә гидаланмаг үчүн мүтләг тамдәнли чөрәкдән истифадә едилмәлидир. Мүасир дүнјамызда чөрәј чохлу проблемләр ил үзләшмәли олуб. Әслиндә зәһәр олан ади ағ чөрәј тәсүфлә тамдәнли чөрәклә әвәз едилир.
Ади чөрәкдән фәргли олараг тамдәнли чөрәкдә тахылын бүтүн фајдалы хүсусијјәтләри- витаминләр, минераллар, гидалы лифләр, антиоксидантлар вә с. фајдалы маддәләри сахланылыр.
Мүасир алимләр дә тамдәнли чөрәјин чох фајдалы, мүалиҹәви мәһсул һесаб етмәк мәҹбуријјәтиндәдир. Чохсајлы арашдырмалар ҝөстәриб ки, тамдәнли чорәјин гәбулу үрәк-дамар системинин, хәрчәнҝин, шәкәрли диабетин рискини азалдыр, ганда "пис" холестеринин сәвијјәсини ашағы салыр.
Гидалы лифләрлә зәнҝин олан тамдәнли чөрәк бағырсагларын фәалијјәтини јахшылашдырыр, гәбизликлә мүбаризә етмәјә көмәк едир.
Һәмчинин белә чөрәк бәдән чәкисинә нәзарәт едән инсанлар үчүн ујғундур. Мүрәккәб карбоһидратларла зәнҝин олан тамдәнли чөрәк инсанда тез тохлуг һисси јарадыр вә инсаны узун мүддәт әрзиндә тох сахлајыр.
Диггәт: Хәбәрдән истифадә етдикдә мәнбәјә истинад лазымдыр
