Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Фәләстин торпагларыны ишғал етмиш сионист јәһуди режими ишғал алтындакы Голан тәпәләриндә, Дәмәшг бөлҝәсиндә, Гунејтыра вә Дәранын гәрбиндә јерләшән “Нусра Ҹәбһәси” террорчулары илә мүттәфигләринә Сурија ордусу вә шәһәрләрин мәркәзләринә һүҹумларыны артырмаларыны истәјиб.
Мәнбә һәмчинин бунлары билдириб: "Исраил бу рајонларын сакинләрини бошалтмаг вә бу әразиләри террорчуларын мәканы ҝөрмәк истәјир. Гунејтыра вә Голан тәпәләриндә баш верән сон һадисәләр террорчуларын бу бир нечә ҹәбһәдә јени һүҹумлара башлајаҹағы хәбәрини верир.
“Нусра Ҹәбһәси” террор тәшкилаты Гунејтырада јерләшән Һамидијјә, Бәргыјјә, Бир Әҹәм вә Мәсһәрә шәһәрләри олмагла бир нечә бөлҝәјә јөнәлди вә ачыг-ашкар силаһ дашыјан зиреһли машынларыны бу бөлҝәјә јерләшдирдиләр.
Гунејтырада јерләшән әл-Бәәс, Хан Әрнеб вә Хызыр шәһәрләри сон заманлар террорчуларын һүҹумларына шаһид олуб. Террорчуларын әл-Бәәс шәһәринә тәшкил етдији тәҹавүздә бир аиләнин үзвәләри һәјатыны итириб. Террорчу груплар ејни заманда Тел әл-Бәзаг вә Тәл Кәрум Ҹәба бөлҝәләринә дә тәҹавүз едибләр, амма бу һүҹум Сурија ордусу тәрәфиндән дәф едилиб. Террорчу групларын һүҹумлар Исраил вертолјотларынын Гунејтырадакы һәрби комплексә һүҹумлары илә бирликдә баш вериб”.
Диггәт: Хәбәрдән истифадә етдикдә мәнбәјә истинад лазымдыр
