Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Республикасы Ислам Партијасы Бәһрејн режиминин Шејх Иса Гасымын вәтәндашлығынын ләғвинә даир һәрәкәтини Али-Хәлифә һакимијјәтинин мүстәбид вә залымҹасына маһијјәтинин ашкар нишанәси адландырыб. Вә бу ҹинајәт фактыны писләјән бәјанат јајымлајыб.
Бәјанатда дејилир:
“Бу ҝүн дүнја халгларынын Ислама, бу динин тәмәл дәјәрләринә јүксәк гијмәт вердији бир шәраитдә Бәһрејн режими өзүнүн ич үзүнү ачмаға башлајыб. Әксәријјәти шиәләрдән ибарәт олан бу халгын чох һөрмәт бәсләдији, билик вә мәнәви зәнҝинлијинә еһтијаҹ дујдуғу бөјүк Ислам алими, мүтәфәккири Шејх Иса Гасым барәдә Бәһрејн һөкумәтинин гәрары бејнәлхалг инсан һагларына вә ганунлара гаршы дабан-дабана зиддијјәт тәшкил едир. Бу режим өзүнүн зүлм вә истибдад кејфијјәтләриндән ирәли ҝәлән тәһлүкәсини зәрәрсизләшдирмәк үчүн ән сон аддымлара әл атараг, ҝөркәмли Ислам алими Шејх Иса Гасымы вәтәндашлыгдан чыхарыб.
АИП, Бәһрејн режиминин Шејх Иса Гасымын вәтәндашлыгдан чыхарылмасы барәдә вердији гәрары зүлм вә истибдадын нәтиҹәси кими ҝөрүр. Бу аддымы үмумән Ислама, Ислам алиминә гаршы гејри-гануни вә әдаләтсизлик һесаб едир. Биз инсан һагларынын бу шәкилдә ачыг-ашкар тапданмасына гаршы бүтүн бејнәлхалг тәшкилатлары, инсан һагг вә һүгугларыны мүдафиә едән институтлары сәрт мөвге сәрҝиләмәјә чағырыр, Ислам дүнјасыны Ислам алиминә гаршы һагсызлыға етираза сәсләјирик.”
Диггәт: Хәбәрдән истифадә етдикдә мәнбәјә истинад лазымдыр
