Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Русијанын БМТ-дәки даими нүмајәндәси Виталиј Чуркин, партлајыҹыларын истеһсалында истифадә едилән маддәләрин ИШИД-ә ҝөндәрән Түркијә ширкәтләринин адларыны ачыглајыб.
БМТ Баш Катиблијинә мәктуб ҝөндәрән Чуркин, Ҝүлташ Кимја, Марикем Кимја вә Сәнаје Мәһсуллары, Метким, Еким Ҝүбре вә Диверсеј Кимја ширкәтләринин ИШИД-ә кимјәви маддәләр ҝөндәрдијини билдириб.
Русијанын БМТ-дәки даими нүмајәндәси мәктубда јазыб: "Ирагын Тикрит вә Суријанын Кобани бөлҝәләриндә ИШИД јараглылары тәрәфиндән истифадә олунан партлајыҹы гарышыгларындакы кимјәви маддәләрин үзәриндә истеһсалчы фирмаларын мүәјјән едилмәси вә бу маддәләрин диҝәр өлкәләрә сатыш шәртләринин өјрәнилмәси үчүн апарылан тәһлил, һәмин маддәләрин ја Түркијәдә истеһсал олундуғу, ја да үчүнҹү өлкәләр үзәриндән јенидән ихраҹ һүгугу олмадан Түркијәјә ҝөндәрилдијини ҝөстәрир".
Чуркин мәктубунда һәмин ширкәтләрин ИШИД-ә ҝөндәрдији кимјәви маддәләрин нөвләрини дә гејд едиб. О, Түркијә ширкәтләри тәрәфиндән ИШИД-ә ҝөндәрилән кимјәви маддәләр арасында алүминиум тозу, аммониум нитрат, кимјәви карбамид вә һидроҝен пероксид олдуғуну гејд едиб. Чуркин Түркијәдән Суријаја апарылан аммониум нитратын нәглинин 7 дәфә артдығына да диггәт чәкиб.
Русијалы дипломат ИШИД-ин Јахын Шәргдәки мүтәхәссисләри тәрәфиндән һазырланан әл истеһсалы олан партлајыҹыларын фәргләндириҹи хүсусијјәтинә диггәт чәкиб: "Бу партлајыҹылары диҝәрләриндән ајыран хүсусијјәт, АБШ-ын Миҹроҹһип Теҹһнолоҝј фирмасына мәхсус микроконтролер, Исвечрәин СТ Миҹроелеҹтрониҹс ширкәти тәрәфиндән истеһсал едилән транзистор вә Нокиа 105 РМ-908 модел ҹиб телефонларынын истифадә едилмәсидир".
Диггәт: Хәбәрдән истифадә етдикдә мәнбәјә истинад лазымдыр
