Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, сон ҝүнләр Бағдадда ИИР әлејһинә шүарларын деврилмиш "Бәәс" режими тәрәфдарлары тәрәфиндән сәсләндирилдији билдирилиб.
Ираг һөкумәти вә парламенти сон ҝүнләр јени проблемләрлә үз-үзәдир.
"Сәдр" һәрәкаты тәрәфдарларынын Ираг парламенти вә һөкумәт биналарынын јерләшдији "Јашыл Бөлҝә"јә дахил олмасы, назирләрдән бәзиләринин истефа вермәси вә с. Бүтүн бу аксијаларын кабинетдә ислаһат кечирмәк тәләбиндән ирәли ҝәлдијини дејә биләрик. Мәсәлә Ирагдакы мүхтәлиф һәрәкатлары марагландырса да бу һәрәкатлар арасында бирлик јох иди. Бу арада етиразларын азалдылмасы үчүн јени һөкумәтлә бағлы бир нечә сијаһы тәгдим едән Һејдәр әл-Абади бөјүк бир мүвәффәгијјәт газанмады. Чүнки бу тәклифин дә диҝәр тәклифләр кими тәрәфдарлары вә мүхалифләри вар иди. Һәфтәнин әввәлиндә Бағдаддакы "Јашыл Бөлҝә"јә дахил олан Сәдр тәрәфдарлары парлементдән чөлә чыхаркән бәзи шүарлар сәсләндирибләр. Аксијада издиһамын ичиндә бир груп шәхсин ИИР вә Гүдс гүввәләри командири әлејһинә шүарлар сәсләндирмәси һәр кәсдә тәәҹҹүбә вә мәнфи реаксијаја сәбәб олуб. Бу һадисәләри лентә алан бәзи әрәб медиа органлары ИИР-ын Ирагда јүрүтдүјү сијасәтин уғурсуз олдуғуну ҝөстәрмәјә чалышыблар.
Ираг парламентинин үзвү: "Гасим Сүлејманы олмасајды, Ираг әлә кечирилмишди"
Ираг парламентиндәки Бәдр фраксијасынын үзвү Наҹи Мәһәммәд Бағдадда Иран Ислам Республикасына гаршы сәсләндирилән шүарлара тохунаракән бунлары дејиб: “Тәәссүф ки, једији габа түпүрән бир груп шәхс Иранын һаггыны јеринә јетирмир. Онларын шүарлары јалныз өзләри тәрәфиндәндир. Ираг халгы Вәлији Әмир Мүслиминә чох һөрмәт ҝөстәрир, Иранын вердији дәстәјә ҝөрә дә миннәтдардыр. Әҝәр иранлылар олмасајды, әҝәр Гасим Сүлејмани кими газиләр олмасајды инанын ки, Бағдады ИШИД әлә кечирмишди. Шүбһәсиз, әҝәр Иран Ислам Республикасы Ингилаб Мүһафизәчиләри- Сепаһ олмасајды, бир һәрби әмәлијјат белә кечирмәк мүмкүн дејилди. Тәбии ки, бу ҹүр алчагҹасына һәрәкәтләр мәғлубијјәтә мәһкумдур вә нәтиҹә вермәјәҹәк. Чүнки бундан әввәл дә Ирана гаршы гурулан даһа бөјүк һијләләр боша чыхыб. Сәсләндирилән шүарлар Иран вә Ираг арасындакы чохтәрәфли әлагәләр үчүн әһәмијјәтсиздир. Ираг һәлә дә Иран үчүн дост вә гардаш өлкәдир. Ирана гаршы сәсләндирилән шүарларын архасында деврилмиш “Бәәс” партијасы вә Сәддамын тәрәфдарлары дајаныр. Чүнки онлар Ирагын бәзи бөлҝәләрини ишғал едән тәкфирчи тәшкилатларла мүбаризәдә иранлы һәрби мәсләһәтчиләр вә хүсусилә дә ҝенерал Сүлејманинин әлдә етдији гәләбәләрдән хәбәрдардырлар”.
Ираг Ислами Мүгавимәт Һәрәкаты лидери: "Иран әлејһинә шүарлар АБШ-ы вә Сәуд сүлаләсини севиндирир"
Ираг Ислами Мүгавимәт Һәрәкаты лидерләриндән олан Сејид Һашим әл Һејдәри Бағдадда бир груп шәхс тәрәфиндән Иран әлејһинә сәсләндирилән шүарларла бағлы мүнасибәт билдириб: "Ирагда бәзән гәрибә шүарлар сәсләндирилир. Һәм бу шүарлар, һәм дә бу ҹүр шүарлары сәсләндирән шәхсләрин кимлији нәзәрдән кечирилмәлидир. Биз доғру јолу јанлыш јолдан ајырмалыјыг. Сон ҝүнләр Бағдадда сәсләндирилән шүарларда Американын әли вар. Бу шүарлар диктатор Али Сәуд режимини севиндирир. Фикримҹә, Ирана гаршы шүар сәсләндирәнләр дүшмәндән дә тәһлүкәлидир. Бу шүарларла һеч бир әлагәси олмадығыны билдирән "Сәдр" һәрәкатына тәшәккүр етмәјимиз јерсиз дејил. Һәр кәс буну билмәлидир ки, Сејјид Муһәммәд Багир Сәдр һәјатынын ән јахшы дөврүнү Иран Ислам Ингилабынын гәләбәсинә дүшән илләр кими сәҹијјәләндириб. Ҝенерал Сүлејманинин шәхсијјәти бу ҹүр әмәлләрлә зәдәләнмәз. Әрәб вә Гәрб тәдгигатчылары ҝенералын реҝион вә фәргли милләтләр арасындакы ролу, ҝүҹү вә нүфузуна дәфәләрлә ишарә едибләр. Онун террор тәшкилатларыјла мүбаризәдәки ролу әвәзсиздир. Бунунла јанашы, терроризм тәһлүкәсинә мәруз галдығы заман һеч бир мәнфәәт ҝүдмәдән бүтүн ҝүҹү илә Ираг халгына дәстәк верән өлкәнин Иран олдуғуну һамы билир. Сон ҝүнләр баш верән һадисәләрлә бағлы вермәли олдуғумуз бир нечә суал вар. Нә үчүн Америка вә Сәудијјә Әрәбистаны әлејһинә шүарлар сәсләнмәди? Һансы өлкә Ираг халгына ән чох көмәк етмишди? Ирагдакы сијаси, тәһлүкәсизлик вә игтисади бөһранлардан истифадә едәрәк, Иран-Ираг мүнасибәтләринин зәдәләнмәси вә террор тәшкилатлары үчүн кабуса чеврилән ҝенерал Сүлјеманинин унудулмасыны истәјәнләр чох сәһв дүшүнүрләр. Онлар бир груп шәхсин сәсләндирдији Иран вә Гасим Сүлејмани әлејһинә шүарлардан сонра Ираг халгындан ҝәлән реаксијалара нәзәр салсалар әмәлләринин нәтиҹәсиз галаҹағыны анлајарлар. Бу аксијалардан дәрһал сонра һәрәкәтә кечән сајыг Ираг халгы, виртуал аләмдә Иран вә ҝенерал Сүлејманы илә бағлы шәкилләр пајлашараг, дәстәкләрини билдирдиләр”.
Диггәт: Хәбәрдән истифадә етдикдә мәнбәјә истинад лазымдыр
_57275947950ed_572d66b7ba413.jpg)
