Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 21.04.16 тарихиндә Сумгајыт шәһәриндә АИП Гадынлар Шурасы вә Әсҝәр Аналарына Дәстәк ИБ-нын тәшәббүсү илә мүсәлман аләминин ән мөһтәшәм вә әламәтдар ҝүнү олан Вилајәтин илк Ҝүнәши, Аллаһын вәлиси, Пејғәмбәрин ҹанишини мүгәддәс Кәбәнин ичиндә дүнјаја ҝөз ачан натиги-Гуран вә дүнјада аналогу олмајан әдаләт вә инсанлыг рәмзи Имам Әлинин (әс) мүбарәк мөвлуд ҝүнү мүнасибәти илә тәдбир кечирәрәк, башда әсримизин Имамы Имам Заман(әҹф), Һз.Зәһра (сә) олмагла, бүтүн Әһли Бејт ашигләрини тәбрик етди.
Тәдбири Гуран тилавәти илә ачан Нөврәстә Ибраһимова, тәдбир иштиракчыларына Һз.Әлинин шәхсијјәтиндән,фәрди вә иҹтимаи һәјатындан ҝениш сөһбәт ачды: «Һз.Әли бәшәријјәтин Гибләсинин бариз нишанәсидир. Мәзлумларын, јетимләрин әзиз атасы Һз.Әли (ә) һәм дә мүһарибәләрин асланы иди. Имамын пак гәлби вә мәһәббәтли ҝөзләри исә зәһимлидир. Һәзрәт Әли (ә) әвәз олунмаз Ҝенералдыр, мүһарибә заманы өз пајыны әсҝәрләрин аиләләринә чатдырар вә башсыз галан аиләләри өз һимајәсиндә горујарды. Бу шәхсијјәт 63 иллик һәјатында һеч бир заман сүфрәсинә 3-ҹү тәамын ҝәлмәсинә изин вермәди. Имам Әли - бәшәријјәтин ајаға галхмаг үчүн тутаҹағы бир дирәкдир. Имам Әли - дүшүнән тәфәккүрләрин ишыг сачан чырағыдыр. Имам Әли - бәшәријјәтин һәр ики дүнјада кеҹәҹәји кечидләрин мүкәммәл мөһүрүдүр! Һз.Әли - Пејғәмбәрдән сонра Гуранын вә Исламын дири галмасынын ән сағлам дирәјидир».
Н.Ибраһимова чыхышында, «бәзи сөзләрин тәкрар олунмасы һәтта ваҹибдир» - ифадәси илә танынмыш христиан алими Ҹорҹ Ҹордакын Һз.Әлини таныјандан сонра Онун шәхсијјәти һаггында јаздығы "Әл Имамун Әли Сотул Әдаләтул Инсанијјәт" адлы китабыныда, һәм мәҹлис иштиракчыларынын һәм дә бүтүн бәшәријјәтин нәзәринә мүәллифин ән өнәмли вә дәјәрли кәламыны чатдырмағы өзүнә борҹ билди: «Бу бөјүк алим китабын сонунда чох кәдәрли бир һалда демишдир: «Каш ки, дүнјаја бир даһа оғул ҝәлмәјәјди, амма Аллаһ һәмин Әлини јенидән зәманәмизә гајтарајды»».
«Еј Адәм өвладлары! Әһли-Бетјин шәһадәт вә мөвлудлары мәһдуд мәканларда моизә вә еһсан сүфрәләри вермәклә битмир, бу әламәтдар ҝүнләри Рәббимиз бизләрә Өз Дәрҝаһындан һидајәт олуб вә һидајәт етмәк үчүн ҝениш бир рузи фүрсәти олараг ҝөндәрмишдир. Јетәр ки, бу рузи илә долу фүрсәти әлдән вермәјәк. Бир даһа бајрамыныз мүбарәк олсун!», - дејә сөзләрини јекунлашдырды.
Бундан сонра илаһијјатчы мүәллимә Јеҝанә ханым да өз нөвбәсиндә һамыны тәбрик етди вә Һз.Әлинин бәшәријјәт үчүн бир немәт олдуғуну нәзәр диггәтинә чатдырды!
Сонда ҹәмијјәтимизин фәал үзвүләриндән олан Ирадә ханым өз сөзүнү бир ҹүмлә илә битирди: «Белә бир нурани мәҹлисләр олдуғу мәканда донуб галмасын, јәни ҹәмијјәтимиз бүтүнлүклә бу нуранијјәтдән гәдәринҹә дәрс алыб өз һәјатларында иҹра етсинләр!»
Мәҹлиз ҝөзәл вә тәравәтлә алгышланараг, еһсан сүфрәси илә хитамланды!
Диггәт: Хәбәрдән истифадә етдикдә мәнбәјә истинад лазымдыр
