Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Фәләстин торпагларыны ишғал етмиш сионист исраил режим ордусунун баш гәрарҝаһ рәисинин мүавини Јаир Голанын сон илләр әрзиндә "Һизбуллаһ"ын чох инкишаф етдијини әсас ҝәтирәрәк, ҝәләҹәкдә "Һизбуллаһла баш верә биләҹәк мүһарибәнин дағыдыҹы олаҹағыны" дилә ҝәтирдији билдирилиб.
Ишғал олунмуш Фәләстин әразиләриндә Хариҹи Журналистәр Дәрнәјинин тәшкил етдији тәдбирдә чыхыш едән Голан, "Дүшмәнимизин (Һизбуллаһ) баҹарыглары јени бир сәвијјәјә ҝәлиб чатыб. Бу да "Һизбуллаһ"ла ҝәләҹәкдә башлајаҹағымыз мүһарибәнин Ливан үчүн сон 20 илдә тәҹрүбәдән кечирдикләримиздән даһа чох дағыдыҹы олаҹағы демәкдир. Ҝәләҹәкдә јаранаҹаг һәр һансы бөһран заманы Ливанда кичик мүһарибәнин шаһиди олмајаҹағыг. Бу Исраил ордусунун бүтүн имканларыны истифадә едәҹәји јекун мүһарибә олаҹаг", дејиб.
Ишғалчы орду рәсмиси, һәмчинин "Һизбуллаһ"ын артыг пејк системинә малик ракет истеһсал едә биләҹәк ҝүҹә саһиб олдуғу вә бунун Исраил үчүн ҝөрүлмәмиш тәһлүкә јаратдығыны да гејд едиб.
Диҝәр тәрәфдән, Исраилин "Канал 2" телевизијасы Ливан сәрһәдинин мүәјјән бир һиссәсинә бетон дивар инша едилдијини билдириб. Хәбәрдә "Һизбуллаһ"ын һүҹум тәшкил етмәси горхусу илә инша едилдији билдирилән диварын 7 метр һүндүрлүјүндә вә 1.2 километр узунлуғунда олдуғу гејд едилиб.
Диггәт: Хәбәрдән истифадә етдикдә мәнбәјә истинад лазымдыр
