Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын Москвадакы сәфири Меһди Сәнаји Санкт-Петербург шәһәриндә кечирилән топланты заманы дејиб: “Иран вә Русија Хәзәрлә Фарс Көрфәзини бирләшдирән каналын газылмасы мәсәләсини мүзакирә едирләр”.
М. Сәнаји мәсәлә илә бағлы верилән суалын ҹавабында мөвзунун мүзакирә едилдијини вурғулајыб.
Гејд едәк ки, каналын үмуми узунлуғу 700 километрә јахын олаҹаг. Каналын тикинтисинә голлары илә бәрабәр 10 милјард доллар хәрҹләмәк нәзәрдә тутулур. Бу, 2013-ҹү илин һесабламасыдыр. Һесабламалара ҝөрә, лајиһәјә јатырылан инвестисија 5 ил әрзиндә ҝери гајыдаҹаг. 2000-ҹи илдә Русија-Иран һөкумәтләрарасы комиссијасынын иҹласында каналын гурғуларынын һазырланмасы вә “дәниз-чај” типли ҝәмиләрин иншасы барәдә илкин разылыг да әлдә едилиб.
Хәзәр дәнизи-Фарс көрфәзи каналы лајиһәсиндә Иран вә Русија илә јанашы, Азәрбајҹан вә Газахыстан, о ҹүмләдән дә Түркмәнистан чох мараглыдыр. Чүнки бу канал Хәзәр саһили өлкәләринин Фарс көрфәзи үзәриндән дүнја океанына чыхышыны тәмин едәҹәк. Һабелә онлар каналла Фарс көрфәзи истигамәтиндә јүкдашымалар үчүн имкан газанаҹаг.
Диггәт: Хәбәрдән истифадә етдикдә мәнбәјә истинад лазымдыр
