Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Һәрби експертләр билдирирләр ки, гәдим шәһәрин өзүнү “ИШИД” адландыран террорчу групун әлиндән ҝери алынмасы онун индијәдәк ҝөрдүјү ән ағыр мәғлубијјәт олуб.
Сурија ордусу артыг там сүрәтдә АБШ вә Гәрб Дүнјасы илә әлбир олан гондарма “ИШИД” адлы террорчу групун пајтахрты Раггаја ҝедән јола нәзарәт едир.
Сурија президенти Бәшшар Әсәд бу һадисәни Мүһүм Наилијјәт, Сурија ордусунун террора гаршы мүбаризәдә Бөјүк Уғуру адландырыб.
Сурија ордусу үч һәфтә иди ки, тарихи шәһәрин террорчуалардан ҝери алмасы үчүн ағыр дөјүшләр апарырды.
Бәшшар Әсәд ҹәнаблары һәмчинин АБШ вә Гәрбин “ИШИД”-ә гаршы тәшкил вердијии гондарма коалисијасыны бир даһа ифша едиб.
Ҹәнаб Президент дејиб: “Сурија ордусунун гәләбәси 60-дәк өлкәдән ибарәт АБШ вә Гәрб коалисијасынын “терроризмә гаршы мүбаризәдә” ҹидди олмадығыны нүмајиш етдирди.”
Мәлумата ҝөрә, Сурија Ордусу һазырда Тәдәммур- Палмира шәһәриндә күчәбәкүчә миналарын зәрәрсизләшдирилмәси ишини апарыр. Дүшмән гүввәләри шәһәри тәрк едирәк шәрг истигамәтиндә ҝери чәкилиб.
АБШ вә Гәрб коалисијасынын дәстәк вердији террор груплашмасынын Палмирадан “пајтахт” елан етдикләри Раггаја ҝедән јолун һазырда тамамилә Сурија ордусу нәзарәтиндә олмасы артыг гондарма “ИШИД” адлы террорчу групун бундан сонра јалныз шәргә, Ираг сәрһәдинә доғру ҝери чәкилә биләҹәјини ҝөстәрир.
Сурија Ордусунун баш команданлығы бәјан едиб ки, Палмира Рагга вә Дајр әз-Заур мәнтәгләриндәки ИШИД гүввәләринә гаршы нөвбәти һүҹумлар үчүн платсдарм олаҹаг.
Гејд едәк ки, Палмира уғрунда дөјүшләрдә террорчуларын 500-ә јахын дөјүшчүсү мәһв едилиб, 150 Сурија әсҝәри исә, гәрһәманҹасына Шәһид олуб.
Хатырладаг ки, гондарма “ИШИД” адлы сионист террор групу Суријанын мәркәзиндә сәһрада јерләшән тарихи вә стратежи Палмира шәһәрини мәһз өтән ил, 2015-ҹи илин мајында јәни АБШ коалисијасынын террор тәшкилатына гаршы апардығы гондарма әмәлијјатлары заманы, тутуб. АБШ һәрби мәнбәләринин дә тәсдигләдији мәлумата ҝөрә, о заман онлар Рәггадан Палмира истигамәтдә һәрәкәтдә олан ИШИД-ин һәрби карваныны нәзарәтә ҝөтүрүб, амма һәрби карванда ушагларын да олдуғундан ону һәдәфә алмајыблар. Амма онлар бу мәлуматы нә руслар нә дә Сурија дөвләти илә бөлүшмәјибләр.
Диггәт: Хәбәрдән истифадә етдикдә мәнбәјә истинад лазымдыр
