Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, вәкил Јалчын Иманов бу ҝүн Гобустан Гапалы Һәбсханасында АИП лидери Мөвсүм Сәмәдовла ҝөрүшүб.
Бу барәдә “ИсламинСеси”-нә Јалчын Имановун өзү мәлумат вериб.
Мүвәккилинин сәһһәтинин вә әһвал руһијјәсинин нормал олдуғуну сөјләјән Јалчын Иманов, Мөвсүм Сәмәдовун информасија алмагда проблемләринин олдуғуну сөјләјиб.
О, билдириб: “Мөвсүм Сәмәдовун гәзетлә тәмин олунмасы илә бағлы проблемләр һәлә дә һәллини тапмајыб. Бу бахымдан Доктор Сәмәдов өлкәдә вә дүнјада баш верән иҹтимаи сијаси просесләрлә бағлы мәлумат ала билмир. Ҝөрүш заманы ејни һалда мүвәккилимлә гаршыдан ҝәлән ҝүнләрдә атылаҹаг һүгуги просесләрлә бағлы мүәјјән мәсәләләри мүзакирә етдик вә бу барәдә мүтәмади олараг бундан сонра иҹтимаијјәтә ачыгламалар верәҹәјик.”
Гејд едәк ки, Јалчын Иманов АИП лидери Мөвсүм Сәмәдовун јени вәкилидир. Јалчын Имановла јанашы Мөвсүм Сәмәдовун һүгугларыны Анар Гасымлы да горујур.
Диггәт: Хәбәрдән истифадә етдикдә мәнбәјә истинад лазымдыр
