Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, сон ҝүнләр баш верәнләр Азәрбајҹан парламентиндә мандат саһиби оланлары бир даһа саф-чүрүк етмәјә әсас верир. Белә ки, вәтәндашларын үзләшдији проблемләр, мәмур өзбашыналыгларына халгдан сәс алдығыны иддиа едән депутатлардан һеч бир реаксија верилмир. Әксинә бәзи депутатлар һагда шок иддиалар сәсләндирилир. Бу сырада исә өн ҹәрҝәдә олан шәхс 46 сајлы Ширван шәһәр Сечки Даирәсиндән мандат саһиби олмуш Рәфаел Ҹәбрајыловдур.
Сон ҝүнләр Р.Ҹәбрајыловун ады мүхтәлиф дәләдузлуг олајларында һалланыб. Биз ҹумһуријјет.аз олараг"Рафаел Ҹәбрајылов маҹәралары: ермәни гоһумлуғу, мандат алвери, дәләдузлуг вә …” башлыглы јазымызда бу барәдә әтрафлы бәһс етмишик. Билдирәк ки, инди парламентдә тәмсил олунан бу шәхс һагда сәсләндирилән иддиалары узун мүддәт ҹавабсыз бурахыб. Јалныз Мүасир Мүсават Партијасынын сәдри Һафиз Һаҹыјевин ачыгламасы депутаты јериндән ојнадыб. Рафаел Ҹәбрајылов сајтлары һәдәләјыб, Һафиз Һаҹыјевә "клоун” дејиб, амма арвадынын ермәни олмасы иддиасына ҹаваб вермәјиб.
Хатырладаг ки, азәрбајҹан парламентинин үзвү олан бу шәхсин ермәни гоһумлуғу һагда һәлә өтән ил хәбәр порталларында мәлуматлар јер алмышды. Бунунла бағлы ҹумһуријјет.аз олараг хејли мәлуматлара раст ҝәлсәк дә депутатын һәр һансы бир реаксијасы вә ја тәкзибини ҝөрмәдик. Мәсәлән, миллихебер.ҹом сајтында јазылыр: "Ҝүләр Әһмәдова илә Рәфаел Ҹәбрајылову бирләшдирән онларын гоһумлуг әлагәләридир. Белә ки, Әһмәдованын ермәни гызы олан анасы илә Рәфаел Ҹәбрајыловун һәјат јолдашынын гоһумлуг әлагәләри вардыр. Артыг һамыја мәлумдур ки, Р.Ҹәбрајыловун да арвады ермәни гызыдыр вә фактики олараг, оғуллуға ҝөтүрдүјү оғлу балдызынын оғлудур. Балдызы исә Русијада ермәни әри илә јашајыр”.
Јухарыда да дејилдији кими, Р.Ҹәбрајыловун ермәни гоһумлуғу һагда иддиалар лап бу ҝүнләрдә нөвбәти дәфә Һ.Һаҹәјев тәрәфиндән сәсләндирилиб. Јениҹаҝ.аз-да дәрҹ олунан мүсаһибәдән бир һиссәни вә болҝехебер.тв-нин бунунла бағлы һазырладығы видео сүжети диггәтинизә чатдырырыг:
– Мәтбуатда сәнәдләр дәрҹ олунуб. Рәсми сәнәдләрлә ҝөстәрилир ки, Елдар Маһмудовун дәстәсиндә олан депутатлар, конкрет Рәфаел Ҹәбрајылов онунла вә Чинҝиз Әсәдуллајевлә бирҝә тикинти бизнесилә мәшғулдур. Мәтбуатын јаздығына ҝөрә, Рәфаел Ҹәбрајылов Мәлаһәт Гурбанова адлы бир саһибкар ханымы алдадараг ондан 300 мин манат алыб, беләдә ону ифлас һәддинә чатдырыб. Милләт вәкилини белә бир чиркин әмәлләрә булашмаг јарашармы, белә бир шәхсин Милли Мәҹлисдә отурмасы нә гәдәр доғрудур?
– Рәфаел Ҹәбрајыловун ҝәрәк виҹданы олсун. Гадыны алдатмаг олмаз. Инсан вәзифәсиндән суи-истифадә етмәз. Вәзифәсиндән суи-истифадә едән белә инсанлар үчүн Ҹинајәт Мәҹәлләсиндә ҹәзаны нәзәрдә тутан маддәләр вар. Она гаршы бу маддәләр тәтбиг олунмалыдыр. Р. Ҹәбрајылов кимиләри вәзифәсиндән суи-истифадә едәрәк милләти алдадыблар. Нәинки депутатлар, назирләр, комитә сәдрләри милләти ҝенефондуна гәдәр мәһв едибләр. Р. Ҹәбрајылову депутат олараг танымырам. Бизләр дөвләтин мүстәгиллијини горујанда Р. Ҹәбрајыловлар һаралара ишләјирдиләр? Гадыны алдатдығына ҝөрә онун виҹданы јохдур. Ҝөрүнүр, архасында дуранлар да вар. Өлкәдә кадр вә һүгуги саһәдә ҹидди ислаһатлар ҝетмәлидир. Мүстәгил мәһкәмә олмалыдыр ки, һәр шеј ганун чәрчивәсиндә өз һәллини тапсын. Амма индиликдә бунун әксини ҝөрүрүк. Бу кими депутатларда архајынлыг јараныб, дүшүнүрләр ки, онлара һеч нә едә билмәзләр. Амма јанылырлар, заман ҝәләр онлардан бүтүн бунлар тәләб олунаҹаг. Һәр һалда һәр шејин бир ахыры вар.
Диггәт: Хәбәрдән истифадә етдикдә мәнбәјә истинад лазымдыр
