Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, “Авропа Иттифагы илә Түркијәни бирләшдирән бир чох ортаг мәсәлә вар ки, онлардан бири дә “Ҹәнуб Газ Дәһлизи” лајиһәсидир”. Бу барәдә Гәрб Иттифагынын енержи вә иглим дәјишиклији мәсәләләри үзрә комиссары Миҝел Ариас Канјете “Анадолу” аҝентлијинә мүсаһибәсиндә дејиб.
“Авропа Иттифагына үзв олан өлкәләрә нәгл олунаҹаг газ мәнбәләринин диверсификасијасы үчүн бирликдә чалышмалыјыг. Биз Түркијә, Азәрбајҹан вә бөјүк еһтималла Түркмәнистандан нәгл олунаҹаг газа өнәм веририк. Билдијиниз кими, Русијадан да газ алырыг”, – дејә комиссар билдириб.
О әлавә едиб ки, Иран Ислам Республикасы “Ҹәнуб Газ Дәһлизи” лајиһәсинә гошула биләр: “Иранын “Ҹәнуб Газ Дәһлизи” лајиһәсинә гошулаҹағыны истисна етмирик. Бу лајиһә тәкмилләшдирмәси зәрури олан бир лајиһәдир. Белә ки, онун васитәсилә нәгл олунаҹаг газын мәнбәләри диверсификасија олунаҹаг”.
Диггәт: Хәбәрдән истифадә етдикдә мәнбәјә истинад лазымдыp
