Әһли Бејт (әлејһимус сәлам) -АБНА- Хәбәр Аҝентлијинин Азәрбајҹан КИВ-ә истинадла вердији хәбәрә әсасән, өлкәдә сәһијјә мәсәләси хүсуси објектләрин ҝәлир әнбәјинә чеврилмишдир. Сәһијјәнин доғуш үзрә гисми исә, сөзүн әсл мәнасында кимләр үчүнсә газ вуруб газан долдурмаг мәнбәјидир. Әслиндә бу ҹәмијјәт олараг бизим ҝенефонумуза вә сағлам ҝәләҹәјимизә тәһдид кими гијмәтләндирилмәлидир. 7Нјус сајтына дахил олан Мәктубу олдуғу кими тәгдим едирик:
“Әзиз гардашлар вә баҹылар, һәр бириниздән хаһиш едирәм бу шәкли пајлашын, гој бүтүн өлкә сәсимизи ешитсин, бу шәрәфсизлији дајандыраг....
Сизинлә чох дәһшәтли фактлар пајлашаҹам.
Демәли, рајон хәстәханасы ај әрзиндә һамилә баҹыларымызы нормадан 10 дәфә чох кесәријјә әмәлијјаты едирләр. 200 миндән аз әһалиси олан Ҹәлилабад үчүн бу чох бөјүк рәгәмдир. Һеч 2 милјондан чох әһалиси олан Бакыдә белә рәгәм јохду.
Мән бу мәсәләни арашдырдым. Нәтиҹәдә бәлли олду ки, һәкимләр ади доғушдан хәстәханада ән чох 200 манат ала билирләр, анҹаг кејсәријјә әмәлијјатындан 1000 манат пул ҝөтүрүрләр.
Елә буна ҝөрә сағлам һамиләлик кечирдән баҹыларымызы вә онун аиләсини алдадараг әмәлијјат едирләр. Мәгсәд исә пул газанмагдыр.
Бу ишин башында рајонун баш һәкими Илһам һәким дурур. Иҹра башчысынын бундан хәбәри олдуғу үчүн о, һәр әмәлијјатдан фаизини алыб, сусур.
Кејсәријјә әмәлијјаты заманы баҹыларымызын һәм һәјаты тәһлүкәјә атылыр, һәм дә онларын физики сағламлығына чох бөјүк зәрбә вурулур. Бу һәм дә нәслин артымыны азалдыр. Чүнки кејсәријјә әмәлијјаты олан баҹыларымыз чох вахт дүнјаја јалныз бир ушаг ҝәтирә билирләр. Бунлар өз ҹибләри наминә рајонумузун ҝәләҹәјин мәһв едирләр. Аидијјаты органлары бу сојгырымы дајандырмаға чағырырам.”
Гаршы тәрәфин мөвгејини дәрҹ етмәјә һазырыг.
Диггәт: Хәбәрдән истифадә етдикдә мәнбәјә истинад лазымдыр
