Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, “Биздә олан мәлумата ҝөрә, долларла кредит борҹу оланлар ҝөзләмә мөвгејиндәдир. Онлар борҹлары гајтармаг истәмир”. Буну малијјә назири Самир Шәрифов доллар кредитләри оланларын проблеминдән данышаркән дејиб.
Назир гејд едиб ки, һәр бир адам борҹ ҝөтүрәндә саф-чүрүк етмәлидир:
“Банк хејријјә ҹәмијјәти дејил. Бир тәрәфдән борҹ верирсә, диҝәр тәрәфдән дә әманәт сахлајыр. Биз чалышырыг ки, сосиал әдаләт принсипләрини позмајаг. Биз нәјә ҝөрә бир борҹ аланы диҝәриндән фәргләндирмәлијик. Дөвләт өзәл банкла мүштәри мүнасибәтләринә нијә мүдахилә етмәлидир? Банклар чох јүксәк фаизлә кредит верәндә дөвләти ахтармырды. Инди нијә ахтарырылар? Мәним јанашмам бундан ибарәтдир”.
Диггәт: Хәбәрдән истифадә етдикдә мәнбәјә истинад лазымдыр
