Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Түркијәнин Анкара бөлҝәсиндә 1500 иллик тарихи олан Инҹил тапылыб. Тапылан Инҹил Ватикан үчүн бөјүк нараһатлыг јарадыб. Бу нараһатлыг тапылан Инҹилин Барнаба Инҹилиндә јазыланлары еһтива етмәсиндән гајнагланыр.
Һазырда китаб “Анкара Етнографија Музеји”ндә ҝизли шәкилдә сахланыр. Дәри китаб сәһифәләринә Һз.Исанын дили олан Арами ләһҹәси илә јазылан јазылар заманла бағлы олараг гаралмыш вәзијјәтдәдир. Мәлумата ҝөрә, мүтәхәссисләр китабы арашдырараг онун орижинал олдуғуну иддиа едибләр.
Иран Ислам Республикасы Мүгәддәс Гум шәһәринин Елми Һөвзәсинин ҝәлдији гәнаәтә ҝөрә, китабда Һз.Исанын чармыха чәкилмәдији вә Танрынын оғлу олмадығы дејилир.
Китабда бундан әлавә Һз.Исанын чармыха чәкилмә әрәфсиндә ҝөјә јүксәлдији вә онун јеринә Иуда Искариотун чармыха чәкилдији јазылыб. Ватикан бу китабын ортаја чыхмасындан кечирдији нараһатлығы дилә ҝәтирәрәк китабын түрк вә католик килсәси експертләри тәрәфиндән бирҝә арашдырылмасыны истәјиб.
Ватикан бирмәналы олараг бу Инҹили әлә кечирмәк мөвзусунда исрарлыдыр вә Папа мүтләг шәкилдә һәмин китабы истәјир. Әҝәр Түркијә бу Инҹили горујуб вә нүсхәләрини чап етдириб бүтүн дүнјаја јетишдирмәсә, бу Инҹил дә диҝәр нүмунәләр кими мәһв ола биләр. Чүнки бу Инҹилдә Барнаба Исанын Аллаһын оғлу олмадығыны елан етмәклә бәрабәр онун өзүндән сонра ҝәләҹәк пејғәмбәри - Әһмәди Һз.Мәһәммәд(с.ә) мүждәләдијини јазыр.
Гејд едәк ки, “Барнаба Инҹили” Исанын һәјатындан бәһс едән вә һәвари Барнабанын адындан јазылмыш әдәби мәтндир. Бәзи мүсәлман аполоҝетләр билдирир ки, бөјүк еһтималла "Барнаба Инҹили" Исанын миссијасы һаггында һәгиги мәлуматларын сахландығы јеҝанә мәнбәдир вә каноник инҹилләр дә дахил олмагла, диҝәр мәнбәләр һамысы һәвари Павелин давамчылары тәрәфиндән сахталашдырылыб.
Диггәт: Хәбәрдән истифадә етдикдә мәнбәјә истинад лазымдыр
